Россия Президентын сайлауга әзерлек буенча РФ субъектлары иҗтимагый штабларының Бөтенроссия киңәшмәсе
Россия Федерациясе субъектлары иҗтимагый штабларының Россия сайлауларына әзерлек буенча Бөтенроссия киңәшмәсе үтте.
Киңәшмәне җәмәгать контроле һәм гражданнар мөрәҗәгатьләре белән эшләү буенча РФ ИП комиссиясе рәисе Алена Булгакова; РФ ИП каршындагы РФнең яңа субъектларын интеграцияләү буенча Корсовет рәисе Александр Малькевич; РФ ИП куркынычсызлык һәм ОНК белән хезмәттәшлек буенча комиссиясе рәисе Михаил Аничкин үткәрде.
Чарада ВКС режимында Татарстан Республикасы Иҗтимагый палатасының хокукый мәсьәләләр һәм иҗтимагый контроль комиссиясе рәисе, Россия юристлары Ассоциациясенең Татарстан төбәк бүлеге башкарма комитеты рәисе Тимур Какохо катнашты.
Экспертлар җәмәгать контроле инфраструктурасы һәм булачак сайлауларга күзәтүчеләрне җыю башлану вакыты турында фикер алыштылар. Шулай ук киңәшмәдә катнашучыларга күзәтүчеләрне билгеләү турында яңартылган Нигезләмә тәкъдим ителде.
Исегезгә төшерәбез, җәмәгать штабларын ачу практикасы узган бердәм тавыш бирү көннәрендә кертелде. Сайлау кампанияләре узган һәр төбәктә сайлау процедуралары турында белергә теләүчеләр өчен ачык мәйданчык булдырыла. Штаблар базасында фикер алышулар, җәмәгать эшлеклеләре, ММЧ вәкилләре, политологлар, социологлар һәм башка экспертларның түгәрәк өстәлләре үткәрелә. Оператив штабның бөтен эше халык өчен ачык.
