Тимур Какохо җәмәгать контроле үсешенә керткән зур өлеше өчен Рәхмәт белән бүләкләнде

Россия Федерациясе Иҗтимагый палатасында җәмәгать контроле һәм гражданнар мөрәҗәгатьләре белән эшләү буенча комиссия утырышы узды. Утырышны комиссия рәисе Алена Булгакова үткәрде.

Чарада Татарстан Республикасыннан Комиссия әгъзасы, Россия юристлары Ассоциациясенең Татарстан төбәк бүлеге башкарма комитеты рәисе Тимур Какохо катнашты.

Чараның көн тәртибенә түбәндәге сораулар керде:

1. Комиссиянең 2023 елгы эш йомгаклары турында;

2. Гражданнарның мөрәҗәгатьләре белән эшләү турында;

3. Комиссиянең 2024 елга эш планнары турында;

4. Закон проектларына һәм башка норматив хокукый актларга җәмәгать экспертизасы Планына тәкъдимнәр турында;

5. Россия Федерациясе Президентын сайлауда җәмәгатьчелек күзәтүе турында.

Тимур Какохо утырыш барышында җәмәгать контролен үстерүгә керткән зур өлеше өчен РФ Иҗтимагый палатасы секретаре Лидия Михееваның Рәхмәт хаты белән бүләкләнде.