Татарстан Республикасында 108 меңнән артык волонтер исәпләнә
«2023 елның сентябрь ахырына Татарстан Республикасында 108 424 волонтер исәпләнә. Бу хакта 2023 елның 13 октябрендә Татарстан Республикасы Министрлар Кабинетында узган Татарстан Республикасында ирекле эшчәнлекне (волонтерлыкны) үстерү буенча ведомствоара совет утырышында хәбәр ителде.
Утырыш Татарстан Республикасы Премьер-министры урынбасары Ләйлә Фазлыева рәислегендә узды.
Татарстан Республикасы Яшьләр эшләре Министры Ринат Садыйков 2023 елның өченче кварталы йомгаклары һәм Татарстан Республикасы ирекле эшчәнлек (волонтерлар) берләшмәсенең алда торган бурычлары турында хәбәр итте.
Бу чорда республикада волонтерлар катнашында 47 чара, 37 535 волонтер сәгате, 4 ирекле смена, волонтерлар өчен 3 эре белем бирү чарасы үткәрелде һәм 2023 елга «Игелекле эшләр төбәге» конкурсында 7 млн сумнан артык акча отылган.
«2021-2025 елларга Татарстан Республикасында ирекле эшчәнлекне үстерү» ярдәмче программасының гомуми бюджеты 15 692, 5 мең сум тәшкил иткән. «Игелекле эшләр төбәге – 2022» Бөтенроссия ирекле инициативаларга ярдәм конкурсына 7 676,2 мең сум акча бүлеп бирелгән.
«Татарстан Республикасы Иреклелекнең мәгълүмати-ресурс үзәге» коммерцияле булмаган автоном оешмасының башкарма директоры, «Спорт һәм социаль проектлар дирекциясе» коммерцияле булмаган автоном оешмасының волонтерлар белән эшләү идарәсе җитәкчесе Айрат Мөбарәкшин Татарстан Республикасы муниципаль берәмлекләрендә «Добро. Центр» иҗтимагый үсеш үзәкләрен этаплап ачу турында сөйләде. үзәк.
«Ярдәм янәшә! Помощь рядом» төбәк хәрәкәте эшчәнлеге турында #МыВместе гомумроссия үзара ярдәм акциясе кысаларында, шул исәптән утырышта катнашучылар алдында гуманитар ярдәм җыю буенча, Татарстан Республикасында Гомумроссия халык фронтының төбәк башкарма комитеты җитәкчесе Ринат Фазылов хисап тотты.
Утырыш кысаларында шулай ук оешмаларның, инициатива төркемнәренең, шәһәрләрнең һәм муниципаль берәмлекләрнең республика һәм халыкара дәрәҗәдәге конкурсларда катнашуы турында билгеләп үтелде. Әйтик, «Добрый край – Игелек жире» республика конкурсы кысаларында активлык күрсәтмәгән муниципаль берәмлекләр арасында Аксубай, Актаныш, Әлки, Арча, Кайбыч, Лаеш, Сарман һәм Тәтеш муниципаль районнары билгеләп үтелде.
Агымдагы елда #МЫВМЕСТЕ-2023 халыкара премиясенә Татарстан Республикасыннан 224 гариза бирелде, бу 2022 елга караганда 41 гаризага күбрәк. Шуларның 40ы ярымфиналга үтте.