Сугыш ветераннары госпиталендә өлкәннәрне хөрмәтләү
2023 елның 3 октябрендә Халыкара өлкәннәр көне (декадасы) кысаларында «Татарстан Республикасы Ветераннар берлеге» Республика ветераннар иҗтимагый оешмасы Казан шәһәренең Сугыш ветераннары госпиталендә уздырыла торган чарада катнашты.
Актлар залында ветераннар, сугыш хәрәкәтләрендә катнашучылар алдында сәламләү сүзе белән «Татарстан Республикасы Ветераннар берлеге» Республика ветераннар иҗтимагый оешмасы рәисе генерал-майор Александр Ильич Бородин, Татарстан Республикасы ветераннар (пенсионерлар) иҗтимагый оешмасының республика советы рәисе Иштиряков Хәбир Газиз улы, Казан шәһәре Сугыш ветераннары госпиталенең баш табибы Фәхретдинов Илдар Азат улы, җирле Казан шәһәре ветераннарының (пенсионерларының) иҗтимагый оешмасы Стрекалова Гүзәл Рафаил кызы чыгыш ясады.
Александр Ильич Бородин чыгышында сәнәгатьне булдыруда, авыл хуҗалыгын, фәнне, рухи өлкәне үстерүдә, илнең оборона көчен ныгытуда ветераннарның ролен ассызыклады. Хезмәтләре өчен рәхмәт әйтте, сәламәтлек һәм озын гомер теләде.
Ветераннарга бәйрәм азык-төлек җыелмалары тапшырылды һәм концерт үткәрелде.
Казан шәһәренең Сугыш ветераннары өчен госпиталенең баш табибы Фәхретдинов Илдар Азатович яңа бүлекчәләр, дәвалау эшчәнлеге юнәлешләре, палаталарда булу шартлары белән таныштырды.
Ветераннар оешмалары җитәкчеләре медицина хезмәткәрләренә аларның эше һәм хастаханәнең алга таба камиллеге өчен рәхмәт белдерделәр.
