Игелекле Казанда менталь тайпылышлары булган балалар өчен смена тәмамланды

14-23 август көннәрендә Игелекле Казан коворкингында менталь тайпылышлары булган балалар өчен лагерь сменасы узды. Сменаны үткәрү турында карар Татарстан Республикасы Иҗтимагый палатасының социаль мәсьәләләр, хәйриячелек һәм менталь тайпылышлары булган балалар өчен җәйге ял мәсьәләләре буенча коммерцияле булмаган секторны үстерү буенча комиссиясе үткәргән кайнар линия нәтиҗәләре буенча кабул ителде.

Смена кысаларында 15 бала иҗат, үсемлекчелек белән шөгыльләнде, көнкүреш күнекмәләрен әзерләде, үзләштерде. Нейрокоррекция, канистерапия, спорт уеннары буенча дәресләр уздырылды. Әниләр өчен бу вакытта психолог белән очрашулар һәм массаж сеанслары оештырылды.

Смена «Ак Барс Созидание» хәйрия фонды, «Казан шәһәре азык-төлек һәм социаль туклану департаменты» акционерлык җәмгыяте, Инвалид балалар вәкилләренең социаль инициативаларын үстерү ассоциациясе ярдәме белән оештырылды.

Мондый сменаны көзге каникулларда да оештыру планлаштырыла.