Яшьләр көнендә «Урам» экстрим-паркында ВИЧ һәм гепатит С га тест узарга мөмкин булачак

«Җиңү өчен тест. Ярдәм янәшәдә» проектының төп бурычларының берсе – Татарстан Республикасы һәм күрше төбәкләр халкына социаль әһәмиятле авыруларны профилактикалау һәм гомумән сәламәтлекне саклау мәсьәләләре буенча белем бирү.

Яшьләр – безнең мәгълүмат кампанияләренең төп максатчан төркеме, шуңа күрә яшьләр көне уңаеннан «Яңа гасыр» автоном хәйрия коммерцияле булмаган оешмасы командасы «Урам» экстрим-паркы территориясендә ВИЧ һәм гепатит С га бушлай һәм аноним тест үткәрәчәк.

Статистика вакытында һәм регуляр рәвештә тест үткәрү иң көчле профилактик чараларның берсе булуын раслый, шул исәптән икътисади яктан да.

Проект Президент грантлары Фонды ярдәме белән СПИД һәм йогышлы авыруларны профилактикалау һәм аларга каршы көрәш буенча республика үзәге белән партнерлыкта гамәлгә ашырыла.

Татарстан башкаласында яшәүчеләр өчен Тест-мобиль мобиль комплексы эшләячәк. Теләге булган һәркем социаль һәм медицина хезмәткәрләреннән консультация ала, шулай ук бушлай, аноним рәвештә һәм документларсыз ВИЧ һәм гепатит Сга экспресс-тест үтә алачак.

Тест-мобиль 24 июньдә 16:00 сәгатьтән 20:00 сәгатькә кадәр Кремль яр буе, 33 адресы буенча «Урам» экстрим-паркы территориясендә эшләячәк.

Шулай ук Казан шәһәрендә яшәүчеләр өчен проект командасы https://vk.com/testtowin Вконтакте социаль челтәрендә конкурс үткәрәчәк.

Конкурс шартлары проектның социаль челтәрдәге битендә күрсәтеләчәк https://vk.com/testtowin, язылыгыз һәм розыгрыш башлану турында хәбәр итүне көтегез.