«Хәситә: Татарстан риваятьләре» проекты кысаларында Идел буе районы балалар йортында мастер-класс узды
7 майда Идел буе районы балалар йортында «Хәситә: Татарстан риваятьләре» проекты кысаларында мастер-класс узды.
Мастер-класс фәлсәфи әһәмияткә ия булган борынгы татар бизәнү әйбере – хәситә ясауга багышланган иде.
Мастер-класста катнашучылар бизәнү әйберләрен ясаганда аның асылы турында күбрәк белделәр һәм хәситә иҗат итүнең тарихи фактлары белән таныштылар, шулай ук үзләрен үткән гасыр осталары кебек хис итеп, авторлык сәнгать эшләнмәләрен тормышка ашыра алдылар.
Идел буе балалар йортында тәрбияләнүчеләрнең һәрберсе бизәнү әйберләре дизайнын уйлап табуда һәм проектлауда үз стиль күренешенә таяна һәм шуңа күрә, бердәм биремгә карамастан, хәситәләрнең һәрберсе үзенчәлекле һәм үз авторын чагылдыра торган булып чыкты.
Нәкъ менә иҗади шәхеснең үз идеяләрен һәм ниятләрен тормышка ашыруга омтылуның мөһимлеге турында «Хәситә: Татарстан риваятьләре» проектында яңа сулыш алган тарихта әйтелә.
Тарихи хәтерне актуальләштерүгә юнәлтелгән татар халкының мәдәни мирасы реликвиясе турында киноспектакль проекты ТР Театр эшлеклеләре берлеге базасында ТР гражданлык җәмгыятен үстерүгә грант кысаларында гамәлгә ашырыла. «Nomade» иҗади кластеры белән берлектә, шәһәрнең социаль учреждениеләре аудиториясен проектка җәлеп итүгә ярдәм итүче ТР Иҗтимагый палатасы һәм шулай ук ТР Мәдәният министрлыгы ярдәме белән.
