Казандагы Гаилә йортында яшәүчеләрне Халыкара балаларны яклау көне белән котларга Венера Ганиева килде

31 майда, Балаларны яклау көне алдыннан, «Өйдән ерак булган йортта» РФ һәм ТР халык артисты, профессор, Казан дәүләт мәдәният институтының соло халык җырлау кафедрасы мөдире Венера Әхәт кызы Ганиева оештырган «Кошкин йорты» музыкаль спектакле булды.

Венера Ганиева «Гаилә бергә» хәйрия фондының бушлай гаилә йортына һәм аның проектларына ачылышыннан ук ярдәм итә, шәһәрдә авыр тормыш хәлендә калган гаиләләргә ярдәм итү өчен берничә хәйрия концерты оештыра. Ул ел саен Россия балалар клиник хастаханәсенең кечкенә пациентларын Халыкара балаларны яклау көне белән котлый, һәм бу ел да искәрмә түгел.

Танылган татар артисткасы җитәкчелегендә Казан дәүләт мәдәният институты соло халык җырлау кафедрасы студентлары һәм педагоглары балаларга һәм аларның ата-аналарына «Кошкин йорты» мюзиклын күрсәттеләр. Бу кечкенә йорт кешеләре һәм больница пациентлары өчен чын вакыйга булды.

«Балалар –  безнең киләчәгебез, һәм без аларның һәрвакыт сәламәт, бәхетле булуларын һәм безне уңышлары белән сөендерүләрен телибез! Һәм без моның өчен мөмкин булганның барысын да эшлибез, чөнки без алып барган яхшылык могҗизалар эшли», – дип билгеләп үтте Венера Ганиева.

Казандагы Гаилә Йорты Венера Ганиевага, Казан дәүләт мәдәният институты соло халык җырлау кафедрасы студентларына һәм педагогларына, фотограф Павлова Екатеринага зур рәхмәт белдерә.