«ОНЫКЛАР КУНАККА» Яр Чаллы шәһәрендә
Май бәйрәмнәре көннәрендә Яр Чаллы шәһәренең 50нче урта гомуми белем бирү мәктәбенең 5 В сыйныфы укучылары сыйныф җитәкчесе Заляева Гүзәл Шамил кызы белән бергә 89 яшьлек Бурдакова Александра Васильевнага бардылар. Әбине бүләкләр һәм игътибар белән сөендерделәр, шулай ук Яр Чаллы шәһәрендә «Дети-Нечкәбил-Балалар» балалар-яшьләр хәрәкәте лидеры Матросов Демид һәм аның сыйныфташлары: Инсаф, Артур, Элина, Ксения, Дима, Арсения һәм Алексей башкаруында җырлар һәм шигырьләр белән сөендерделәр. Әби балалар белән бергә сугыш җырлары җырлады.
Балалар әбигә сәламәтлек һәм озын гомер теләп яхшы сүзләр әйттеләр. Очрашу бик күңелгә үтеп керерлек булды. Мондый килүләр олы яшьтәге кешеләр турында кайгыртучы, үз ветераннарын һәм халкыбызның бөек батырлыгын хәтерләүче чын Кешене тәрбияләргә ярдәм итә.
«Гаилә канаты астында» ТР төбәк иҗтимагый оешмасы Яр Чаллы шәһәрендәге «Гаилә канаты астында» ТР төбәк иҗтимагый оешмасы филиалы җитәкчесе Матросова Нелли Робертовна һәм Шәрәфетдинова Гүзәл Гомәр кызына чараны оештыруда ярдәмнәре, балаларга һәм яшьләргә остазлык һәм патриотик тәрбия бирү эшендә шәхси үрнәге өчен рәхмәт белдерә.
