ТР Иҗтимагый палатасы комиссиясе рәисе Тамара Федорова ТР Дәүләт Советы Комитетының күчмә утырышында катнашты

2023 елның 26 маенда Яшел Үзәндә Татарстан Республикасы Дәүләт Советының Мәгариф, мәдәният, фән һәм милли мәсьәләләр комитетының һәм Марий Эл Республикасы Дәүләт Җыелышының социаль үсеш комитетының уртак күчмә утырышы узды. Парламентарийлар педагог һәм остаз статусын күтәрү мәсьәләләре буенча фикер алыштылар. Утырыш эшендә Татарстан һәм Марий Эл парламентлары башлыклары Фәрит Мөхәммәтшин һәм Анатолий Смирнов катнашты. Утырышны ТР Дәүләт Советының профильле комитеты рәисе Айрат Зарипов үткәрде.

Ике республика парламентларының профильле комитетларының уртак утырышы мәгариф системасын үстерү, шулай ук парламентара хезмәттәшлек контекстында тәҗрибә уртаклашу кысаларында узды.

Утырышта ТР Иҗтимагый палатасының мәгариф, фән һәм мәгърифәтчелек эшчәнлеге комиссиясе рәисе Тамара Федорова, шулай ук Яшел Үзән районы Иҗтимагый советы рәисе Ольга Купоросова катнашты.

Утырышта төп докладлар белән ТР Мәгариф һәм фән министры Илсур Һадиуллин һәм Марий Эл Республикасы Мәгариф һәм фән министры урынбасары Валентина Гаврилова чыгыш ясады.

Уртак утырыш нәтиҗәләре буенча резолюция кабул ителде, анда парламентарийлар парламентларның профильле комитетлары арасында мәгариф өлкәсендә тәҗрибә алмашу буенча хезмәттәшлекне дәвам итәргә тәкъдим иттеләр. Шул исәптән кадрлар белән тәэмин итү, ярдәм итү механизмнарын камилләштерү, укытучыларның һәм остазларның статусын күтәрү, татар һәм мари телләре һәм әдәбияты укытучыларының стажировкаларын оештыру, уртак белем бирү һәм мәгърифәтчелек проектларын гамәлгә ашыру, мәгариф системасын үстерүгә, педагог һәм остаз статусын ныгытуга юнәлдерелгән төбәкара фестивальләр, конференцияләр, «түгәрәк өстәлләр» һәм башка чаралар үткәрү буенча актуаль мәсьәләләр.