Мәктәп укучыларын С. П. Горбунов исемендәге Казан авиация заводында Ватан авиациясе белән таныштырдылар
Укучыларны С.П. Горбунов исемендәге Казан авиация заводында Ватан авиациясе белән таныштырдылар.
83 нче лицейның һәм 24 нче мәктәпнең сигезенче сыйныф укучылары «РАМПА» балалар һәм яшүсмерләр үсеше үзәге» автоном коммерцияле булмаган оешмасыннан «Татарстан Республикасында балалар һәм яшүсмерләрне һөнәри юнәлеш бирү ысулы буларак мәктәп сәнәгать туризмын үстерү» проекты кысаларында С.П. Горбунов исемендәге Казан авиация заводында – «Туполев «ААҖ филиалында булдылар.
Экскурсияләр вакытында укучылар җитештерү үзенчәлекләре белән таныштылар, шулай ук үз тармагындагы иң эре предприятиеләрнең берсе эшчәнлегенең агымдагы юнәлешләре турында белделәр.
Экскурсия кысаларында укучылар:
- Агрегат-җыю цехынды булдылар. Монда укучыларга Ту-160 стратегик бомбардировщик фюзеляжын җыю процессын күрсәтәләр, ул шулай ук "ак аккош" исеме белән дә билгеле. Укучылар самолетның койрык өлешен җыю стапеленә дә күтәрелделәр;
- Электрон-нурлы эретеп ябыштыру участогында булдылар. Әлеге этапта завод белгечләре укучыларга титаннан эшләнмәләрне эретеп ябыштыра торган электрон-нурлы җайланманың, шулай ук эретеп ябыштырылган кушылмаларның сыйфатын контрольдә тота торган рентген-камераның эш принцибын аңлаттылар;
- Әзер самолетларны һава һәм җир өстендәге сынаулар башкарыла торган очу-сынау станциясендә булдылар.
Укучыларга граждан авиациясе төзелеше турында да сөйләделәр: бүген Казан авиация заводында Ту-214 пассажир самолетлары җитештерү тулы көченә бара, алар элек махсус билгеләнештәге самолетлар сыйфатында гына чыгарылган иде.
Производство масштаблары, һичшиксез, укучыларны бик нык гаҗәпләндерде. Экскурсиянең һәр этабында аралашкан предприятие белгечләре ярдәмендә укучылар яңа белемнәр һәм үзләренең күпсанлы сорауларына җаваплар алдылар.
Проектны «РАМПА» балалар һәм яшүсмерләр үсеше үзәге» автоном коммерцияле булмаган оешмасы гражданлык җәмгыятен үстерүгә ТР грантлары бирү конкурсы кысаларында алынган грант акчалары хисабына гамәлгә ашыра.
