Яшел Үзән сөт эшкәртү комбинаты «Дом вдали от дома» бушлай гаилә йортында Яңа ел бәйрәме үткәрде

2022 елның 21 декабрендә Яшел Үзән сөт эшкәртү комбинаты «Гаилә бергә» хәйрия фондының бушлай гаилә йортында яшәүче балалар өчен яңа ел бәйрәме оештырды. Комбинат Балалар республика клиник хастаханәсендә озак дәваланучы балаларны Яңа ел белән котлады.

Балалар өчен Кыш Бабай һәм Кар Кызы белән кызыклы яңа ел программасы оештырылды. Балалар конкурсларда катнаштылар, шигырьләр сөйләделәр һәм җырладылар. Программаның үзәге булып тылсымчының Яңа ел тылсымы элементлары белән якты һәм мавыктыргыч чыгышы булды. Бәйрәм ахырында һәр бала татлы Яңа ел бүләге, ә ата - аналар  предприятиедән сөт продуктлары алды. Шулай ук Гаилә йорты җитәкчелеге үтенече буенча  Яшел Үзән сөт эшкәртү комбинаты су фильтрлау өчен картриджлар җыелмасы бүләк итте.

«Балалар республика клиник хастаханәсе пациентларына яңа ел бәйрәмен оештырган өчен Яшел Үзән сөт эшкәртү комбинатына аерым рәхмәт белдерәбез. Сез бүләк иткән хисләр балаларның психоэмоциональ халәтенә уңай йогынты ясый, бу аларның дәвалау процессына тәэсир итә һәм тизрәк сәламәтләнүгә ярдәм итә ала», — диде «Гаилә бергә» хәйрия фонды бушлай гаилә йорты директоры Юлия Маркова.

Бушлай Гаилә Йорты Яшел Үзән сөт эшкәртү комбинатына бәйрәмне оештыру һәм үткәрү өчен рәхмәт белдерә.