Татарстан практиклары Идел буенда инклюзив берләшмә үстерү Форумында катнаштылар
Пензада «Яңа ярлар» арт-милеге мәйданчыгында Самара һәм Түбән Новгород өлкәләреннән, Татарстан һәм Башкортостан республикаларыннан, Мәскәү һәм Екатеринбургтан экспертлар җыелган «Идел буенда инклюзив берләшмә үстерү форумы» узды. Инклюзияне үстерү белән шөгыльләнүче белгечләр инвалидларны эшкуарлык эшчәнлегенә җәлеп итүнең мөһимлеге, менторлыкны үстерү, корпоратив волонтерлыкны стимуллаштыру турында фикер алыштылар. Шулай ук белгечләр җәмгыятьтә барлыкка килә торган яңа мөмкинлекләр, шул исәптән финанс продуктлары һәм сервислары турында сәламәтлек ягыннан үзенчәлекләре булган кешеләрнең мәгълүматлылыгын арттыруның мөһимлеген билгеләп үтте.
Форумда Татарстан Республикасы тәҗрибәсен «Барысы да балалар өчен» оешмасы оештыручысы Далия Гайнанова (GT-dress проекты) тәкъдим итте.
Форумда инклюзив туризм, эшмәкәрлек буенча иң нәтиҗәле социаль проектлар, шулай ук инвалидлыгы белән кешеләрне эшкә урнаштыру мәсьәләләре буенча фикер алыштылар. Форумда хакимият органнары, бизнес һәм коммерцияле булмаган сектор вәкилләре катнашты.
Форумны оештыручы булып Пенза өлкәсе Хөкүмәте һәм «Квартал Луи» инвалидлыгы булган кешеләргә ярдәм итү коммерцияле булмаган автоном оешмасы ярдәмендә Сбер чыгыш ясады.
