Татарстан Республикасы Иҗтимагый палатасы әгъзасы Дмитрий Романов «Белемле кулланучы мәктәбе» форумында катнашты
Татарстан Республикасы Иҗтимагый палатасы әгъзасы, Татарстан Республикасы Торак – коммуналь хуҗалык контроле башкарма директоры Дмитрий Романов Россия Федерациясе субъектларында «Белемле кулланучы мәктәбе» федераль партия проекты координаторлары форумында катнашты.
Сәламләү сүзе белән Партиянең Генераль советы сәркәтибе урынбасары Александр Сидякин һәм «Белемле кулланучылар мәктәбе» федераль партия проектының Иҗтимагый советы рәисе Сергей Степашин чыгыш ясады.
Дмитрий Романов Татарстан Республикасында «Белемле кулланучы мәктәбе» партия проектының координаторы булып тора. Проект кысаларында Татарстан Республикасы Торак-коммуналь хуҗалык контроле төбәктәге чараларны актив гамәлгә ашыра. Безнең тарафтан семинарлар, актив кешеләр белән очрашулар, мәктәп укучылары өчен укыту уеннары һәм республика халкының торак белемен арттыруга юнәлтелгән башка чаралар үткәрелә.
Форум кысаларында экспертлар проект эшенә ел йомгаклары ясадылар, яңа планнар билгеләделәр, «Белемле кулланучы мәктәбе» проекты эшен камилләштерү буенча форумда катнашучыларның тәкъдимнәрен карадылар.
Дмитрий Романов «Актив позиция һәм торак-агарту системасы үсешенә зур шәхси өлеш керткән өчен» рәхмәт грамотасы алды.
«Бердәм Россия» партиясе проекты «Белемле кулланучы мәктәбе» Татарстанда 2014 елдан бирле гамәлгә ашырыла һәм Россиядә һәрвакыт иң яхшылар унлыгына керә.
