«Я смогу» коммерцияле булмаган автоном оешмасы җитәкчесе Марат Ильясов РФ Президенты Владимир Путинга «Встал на ноги – помоги другому» проектын тәкъдим итте

РФ президенты Владимир Путин видеоконференция форматында инвалидлар һәм иҗтимагый оешмалар вәкилләре белән очрашу үткәрде.

2 декабрьдә РФ Президенты Владимир Путин авторлык тернәкләндерү тренажёрларын лицензияләү вакытын сузмасыннар  өчен күзәтүен белдерде һәм хөкүмәт рәисе урынбасары Татьяна Голиковка бу сорауларга игътибар итәргә кушты.

Халыкара сәламәтлек ягыннан мөмкинлекләре чикле кешеләр көне алдыннан инвалидлар һәм иҗтимагый оешмалар вәкилләре белән очрашуда дәүләт башлыгына «Я смогу» мөмкинлекләре чикле кешеләргә ярдәм итү автоном коммерцияле булмаган оешманың «Встал на ноги – помоги другому» проекты кысаларында сәламәтләндерү-тернәкләндерү үзәге җитәкчесе, авторлык тренажерларын һәм үз тернәкләндерү методикасын эшләүче Марат Ильясов мөрәҗәгать итте. Ул тернәкләндерү җиһазларын лицензияләүдә ярдәм итәргә, аны Россия үзәкләрендә кулланырга тәкъдим итәргә һәм бу тренажерларда адаптив спорт ярышларын уздыру мөмкинлеген карарга сорады.

«Бу процедураларның тиешле срокларда үтүен һичшиксез күзәтеп барачакмын, бу сроклар нигезсез озакка сузылмас, сез кирәкле документларны алдыгыз... Лицензияләүне узарга кирәк, моны да тиешле срокларда башкару мөһим, һәм, әлбәттә, монда киңәшләр комачауламас, Татьяна Алексеевна ишетә», - диде Путин.

Ул Хөкүмәт Рәисе урынбасары Татьяна Голиковадан сәламәтлек саклау министрлыгының моңа игътибар итүен сораячагын ассызыклады.

«Ә спорт министрлыгы исә, әлбәттә, министр (Олег) Матыцинга бу тренажерларда ярышлар күбрәк булган саен яхшырак булуы хакында әйтәчәкмен. Иң мөһиме, сезнең тренажерларның мондый ярышларга туры килүе, бу спорт төрләре белән шөгыльләнүчеләр, белгечләр, табиблар һәм тренерлар составы дәрәҗәсендә, әлбәттә, кирәклеге һәм максатчанлыгы турында билгеле бер консенсуска җитү, әмма Хөкүмәттәге хезмәттәшләрнең игътибары моңа, һичшиксез, юнәлдереләчәк», - дип билгеләде президент.