Россия Кызыл Хачының Татарстан бүлеге «Беренче секундтан» проектын төгәлләде
«Россия Кызыл Хачы» Бөтенроссия иҗтимагый оешмасының Татарстан төбәк бүлеге «Беренче секундтан» Татарстан Республикасы халкын беренче ярдәм күрсәтү күнекмәләренә өйрәтү» проектын гамәлгә ашыруны төгәлләде.
Проект Татарстан Республикасы халкын беренче ярдәм күрсәтү күнекмәләренә өйрәтүгә, беренче ярдәм күрсәтү ысуллары турында мәгълүматтан файдалану мөмкинлеген арттыруга юнәлтелгән иде.
Россия Кызыл Хачының Татарстан төбәк бүлеге базасында проект кысаларында халыкны беренче ярдәм күрсәтү нигезләренә өйрәтү буенча мобиль сыйныфлар булдырылды, аларда дәресләр Россия Кызыл Хачының һөнәри сертификацияләнгән инструкторлары тарафыннан үткәрелде.
Билгеләнгән аудитория – Татарстан Республикасы социаль юнәлешле коммерцияле булмаган оешмалар, шәһәр һәм районнарның яшьләр оешмалары (Әлмәт, Апас, Буа, Болгар, Югары Ослан, Алабуга, Кукмара, Яр Чаллы, Питрәч, Чистай) вәкилләре.
Барлыгы 10 мобиль сыйныф үткәрелде. Һәр төркемгә 15-20 кеше кергән, барлыгы 184 кеше өйрәтелгән. Бер класс дәресләрнең озынлыгы – 8 сәгать. Укулар Кызыл Хач Халыкара хәрәкәте сертификаты булган Россия Кызыл Хачының ның «Беренче ярдәм» программасы буенча үткәрелде. Ул Кызыл Хач һәм Кызыл Ярымай Халыкара хәрәкәте сертификаты белән Россия Сәламәтлек саклау министрлыгы тарафыннан хупланган. Программа медицина белеме булмаган кешеләрнең киң даирәсенә исәпләнгән, гамәли булып тора һәм алар конкрет ситуацияле бурычларны имитацияләү юлы белән актуаль күнекмәләр эшләүгә юнәлдерелгән.
Укытуның нәтиҗәлелеген бәяләү өчен барлык катнашучылар да йомгаклау тестын үткәрделәр. Нәтиҗәдә, укуны узган барлык кешеләргә сертификатлар тапшырылды.
Проект кысаларында дәресләр үткәрү өчен мобиль класслар кирәкле җиһазлар белән җиһазландырылды.
Проектта катнашучыларга беренче ярдәм күрсәтү төрләре һәм ысуллары буенча белешмә-брошюралар эшләнде, бастырып чыгарылды һәм бирелде. Беренче ярдәм күрсәтү өчен төп манипуляцияләр күрсәтү һәм аңлату белән укыту видеосы эшләнде һәм әзерләнде. Видеоролик мобиль класста дәресләр кысаларында күрсәтелде һәм Интернет-ресурсларга ирекле керү мөмкинлеге булдырылды (https://www.youtube.com/watch?v=Swdar6DCTnY).
Проектны гамәлгә ашыру нәтиҗәсендә катнашучылар беренче ярдәм күрсәтү, дөрес алгоритмнар куллану, командада эшли белү күнекмәләренә ия булдылар. Проект халык арасында беренче ярдәм күрсәтү белемнәрен һәм күнекмәләрен популярлаштыруга, кешеләрдә җаваплылык хисе формалаштыруга, социаль активлыкның үсүенә, катнашучыларның беренче ярдәм күрсәтүгә психологик әзерлеген формалаштыруга, шәфкатьлелек, кызгану хисләренә һәм башкаларның кайгы-хәсрәтенә битараф булмауга ярдәм итте.
