Яр Чаллы шәһәренең ел саен уздырыла торган ирекле эшчәнлек форумы уздырылды

18 ноябрьдә Яр Чаллы шәһәрендә ел саен уздырыла торган ирекле эшчәнлек форумы узды, ул югары уку йортлары һәм урта махсус уку йортлары активистларын, гражданнарның инициатив төркемнәрен, коммерцияле булмаган оешмалар вәкилләрен берләштерде.

Оештыручылар булып Яр Чаллы шәһәре Башкарма комитетының яшьләр эшләре идарәсе ярдәмендә ирекле эшчәнлекне үстерү үзәге инициативасы белән «Орион» яшьләр үзәге тора.

Чараның мөхтәрәм кунаклары:

• Депутат, мәгариф, мәдәният, милли мәсьәләләр, яшьләр эшләре һәм спорт буенча даими комиссия әгъзасы Зубрилова Лариса Александровна;
• «Бердәм Россия» партиясенең Яр Чаллы бүлеге җитәкчесе Фәсхетдинова Римма Зиннур кызы;
• Яр Чаллы шәһәренең яшьләр эшләре идарәсе җитәкчесе Видинеева Ләйсән Алфитовна.

Форум эше 2022 елда эш нәтиҗәләре буенча «Без моны бергә эшләдек» Гомуми сессия уздырудан башланды, Чыгышын ТР Иҗтимагый палатасы Аппараты әйдәп баручы белгече, Җиңү волонтерлары оешмасы җитәкчесе Идрисов Азат Альберт улы һәм ирекле эшчәнлекне үстерү үзәге җитәкчесе Зөбәирова Диләрә Гамир кызы тәкъдим итте.

Форумда катнашучыларны дүрт секциядә белем бирү программасы көтте, ирекле эшчәнлекнең төрле юнәлешләре буенча:

1. «Яхшы эшне бер басудан башлау: нәрсә ул DOBRO.RU платформасы» секциясе: (спикер булып «Орион» яшьләр үзәге директоры урынбасары, волонтёрлар үзәгенең элекке җитәкчесе Гайфулина Анастасия Юрьевна чыгыш ясады);
2. «Үткәнне саклап калып, киләчәкне яклыйбыз» патриотик юнәлеше (спикер –  Казан шәһәренең «Җиңү волонтерлары» оешмасы җитәкчесе Идрисов Азат Альбертович);
3. «Якты контент өчен берничә идея» медиа-волонтёрлыгы (спикер  – «Медиасфера» пресс-үзәк җитәкчесе Насыйбуллина Шафика Ршис кызы);
4. «Башкаларга ярдәм итеп ничек «янмаска»: волонтерларга эмоциональ ярдәм (спикер – «Диалог» балаларга һәм яшьләргә психологик-педагогик ярдәм үзәге директоры Лундовских Ирина Васильевна).