«Забота» инвалид балалар ата-аналарының төбәк иҗтимагый оешмасы «Үзенчәлекле керамика» проектын гамәлгә ашыра

Балчык белән эшләү кулларның моторикасын, хыяллануны, игътибарны, тырышлыкны, хәтерне генә үстереп калмый. Бу беренче чиратта балага бушлыкны аңларга һәм аның белән ничек тәэсир итәргә мөмкин булуын аңларга ярдәм итә. Бала әйберләрнең табигатен, сыгылмалылыгын, тирәнлеген, пропорциясен, стеналарның калынлыгын, нисбәтен һәм эстетикасын яңадан өйрәнә.

Дәресләрдә балалар күләмле формалар һәм фигуралар ясарга өйрәнәләр, гадәти образларны уникаль әйберләргә әверелдерәләр. Форма белән эшләү алай ук җиңел түгел. Сыгылмалы балчыктан баланың үзе тарафыннан эшләнгән кабатланмас предмет туа.

Мондый дәресләр балаларга куркуларын җиңәргә, үз көчләренә ышанычны ныгытырга, ялкаулыкны, гиперактивлыкны җиңәргә ярдәм итә. Һәркемнең әзер нәтиҗә күрәсе килә бит. Һәм бу яңа омтылышларга һәм тагын нәрсәдер эшләргә илһамландыра.

Керамика буенча дәресләр өч үзәктә уза:

• Павлюхин, 120 урамында урнашкан «Мечта» үзәгендә, сишәмбе көннәрендә 13-00 сәгатьтә
• Айдаров, 6  урамында урнашкан «Места» үзәгендә, пәнҗешәмбе көннәрендә 16-00 сәгатьтә
• М. Җәлил,19 урамында урнашкан «Ишморат» остаханәсендә, җомга көннәрендә 13-00 сәгатьтә

Дәресләргә теләгән һәркем чакырыла, шул исәптән 18 яшьтән өлкәнрәк булган яшьләр, аларның әниләре, әтиләре, әбиләре һәм бабалары.

Проект «Татнефть» гавами акционерлык җәмгыяте гранты ярдәмендә гамәлгә ашырыла.