Татарстанда «ЖЭКА» Кибертурниры старт ала
Татарстанда 2022 елның 10 ноябрендә укучылар арасында торак-коммуналь хуҗалык нигезләрен белүгә «ЖЭКА» уены старт ала. Быел чемпионат «ЖЭКА»: Урбанистика» компьютер уенының яңа дәрәҗәсе буенча узачак. Укыта торган уен комплексының бишенче дәрәҗәсе яхшыртылган график, уен карталарының төрлелеге һәм концептуаль якын килү белән аерылып тора, аның нигезенә шәһәр мохитен комплекслы үстерү буларак урбанизм принцибы салынган.
«ЖЭКА: Урбанистика» интерактив уены «ЖЭКА» сериясенең элек төзелгән уеннарының логик дәвамы булып тора. Хәзер уенчыга зур шәһәр киңлекләрен комплекслы төзекләндерүдә катнашырга туры киләчәк. Уен биремнәрен үтүнең төп максаты – шәһәр мохитен сыйфатлы итеп яхшырту өчен шартлар тудыру.
«ЖЭКА» уены буенча Кибертурнирны торак-коммуналь хуҗалыкны реформалауга ярдәм фонды дәүләт корпорациясе, «Татарстан Республикасы Торак-коммуналь хуҗалык өлкәсендә иҗтимагый контроль төбәк үзәге» ассоциациясе һәм Татарстан Республикасы Мәгариф һәм фән министрлыгы үткәрә.
10 ноябрьгә кадәр Татарстан Республикасы муниципаль берәмлекләренең гомуми белем бирү оешмалары укучылары ярышачак. Турнирда 2021 елда бөтен республика буенча 700 дән артык катнашучы катнашты.
Җиңүчеләр «ЖЭКА» уены сайтында ирешелгән нәтиҗәне терки торган бал системасы нигезендә билгеләнәчәк. Ярышларда катнашучылар иң күп җыйган баллар нәтиҗәләре буенча 3 җиңүче билгеләнәчәк, алар истәлекле призлар һәм дәүләт корпорациясенең – Торак-коммуналь хуҗалыкны реформалаштыруга ярдәм фонды бүләкләре белән бүләкләнәчәк.
Кибертурнир турында мәгълүмат түбәндәге рәсми сайтларда урнаштырылачак: http://igra-jeka.ru, http://fondgkh.ru, http://mon.tatarstan.ru.