ТР Иҗтимагый палатасы Рәисе урынбасары Мөнир Гафиятуллин Петрозаводск шәһәрендә «Берләшмә» форумы эшендә катнашты
Татарстан Республикасы Иҗтимагый палатасы рәисе урынбасары Мөнир Гафиятуллин Петрозаводск шәһәрендә «Берләшмә» форумы эшендә катнашты.
2015 елдан «Берләшмә» форумы - социаль проектларны эшләү һәм гамәлгә ашыру сыйфатын күтәрү һәм секторара хезмәттәшлекне үстерү өчен, хакимият органнары һәм бизнес-бергәлек вәкилләре белән гражданнар активистларының үзара хезмәттәшлеге өчен ачык җәмгыять, бизнес һәм хакимият арасында өч яклы диалог өчен эшлекле мәйданчык ул.
Форумда коммерцияле булмаган оешмалар вәкилләре, гражданнар активистлары, иреклеләр, волонтерлар, журналистлар, бизнесменнар, федераль һәм төбәк дәрәҗәсендәге түрәләр һәм гражданлык җәмгыятендә барган процессларга битараф булмаган барлык гражданнар һәм илнең актив үзгәрүендә катнашырга теләүчеләр катнашты.
Быел өченче РФ Иҗтимагый палатасы форумы темасы - «Иҗтимагый көчләр консолидациясе: илнең тотрыклы үсеше».
Федераль һәм төбәк хакимиятләре, РФ Иҗтимагый палата әгъзалары һәм экспертлар җирле бергәлекләрнең, гражданлык җәмгыятенең һәм иҗтимагый оешмаларның икътисадый тотрыклылыкка ирешүдә роле, гражданнар җәмгыяте институтларының санкцияләр шартларында үзара хезмәттәшлеге, Россиянең төньягында халыкара хезмәттәшлек төзү мәсьәләләре, хәйрия эшчәнлеген үстерү перспективалары турында фикер алыштылар, иң яхшы төбәк хокукый ярдәм күрсәтү тәҗрибәләрен тәкъдим иттеләр, шулай ук экологик гадәттән тыш хәлләр нәтиҗәләрен бетерүдә гражданлык җәмгыяте ролен карадылар. Форумда гражданлык патриотизмын үстерүдә яшьләр хәрәкәте роле темасы аеруча мөһим булды.
