Чын-чынлап тарихи көн
20 июльдә Татарстан Республикасы Иҗтимагый палатасы әгъзасы Екатерина Согрина Артекта узган Россия балалар һәм яшьләр хәрәкәтенең гамәлгә кую җыелышында катнашты.
«Артек» та узган Бөтенроссия балалар һәм яшьләр хәрәкәтен гамәлгә кую җыелышы тарихи көн булып тора, дип ассызыклады яшьләр эшләре буенча Федераль агентлык (Росмолодежь) башлыгы Ксения Разуваева.
«Бүген «Артек» Халыкара балалар үзәгендә Россия балалар һәм яшьләр хәрәкәтенең беренче гамәлгә кую җыелышы узды. «Артек» - чын мәгънәсендә тарихи урын. СССРның иң танылган балалар лагеры Россия тарихында балачак белән бәйле күркәм традицияләрне дә саклаган. Узган гасырда «Артек»ны бөтен дөнья өчен Пионериянең визит карточкасы дип атыйлар иде. Оештыру җыелышы өчен дә мәйданчыклар яхшырак була алмас кебек», - дип язган Разуваева үзенең социаль челтәрендәге битендә.
Бөтенроссия балалар хәрәкәте булдыру мөһим, әһәмиятле һәм тарихи адым булып тора. Шушы теләк тә, аны тормышка ашыру да Россиянең яшьләр сәясәтендә бер этап булып тора.
Гамәлгә кую җыелышында федераль һәм төбәк дәрәҗәсендәге эре балалар иҗтимагый оешмалары һәм хәрәкәтләре, шулай ук федераль башкарма хакимият органнары җитәкчеләре һәм вәкилләре катнашты. Җыелышта бертавыштан балалар һәм яшьләрнең Гомумроссия иҗтимагый-дәүләт хәрәкәтен гамәлгә кую турында Карар кабул иттеләр, шулай ук яңа оешма уставын расладылар.
Оештыручылар составына «Большая перемена» автоном коммерцияле булмаган оешмасы, Россия мәктәп укучылары хәрәкәте, «ЮНАРМИЯ» яшьләр иҗтимагый оешмасы, «Россия Студентлар отрядлары» бөтенроссия яшьләр иҗтимагый оешмасы, «Россия яшьләр берлеге» иҗтимагый оешмасы, «Татарстан Республикасы балалар оешмалары советы» төбәк иҗтимагый оешмасы, башка эре балалар иҗтимагый оешмалары һәм федераль һәм төбәк дәрәҗәсендәге хәрәкәтләр керде. Без моның белән бик нык горурланабыз.
Хәрәкәттә катнашу ирекле булачак. Хәрәкәт балаларга үзләрен төрле социаль рольләрдә сынап карарга һәм мәктәп чорында ук үз потенциалын ачарга мөмкинлек бирәчәк. Инфраструктура агымдагы елда ук үзгәрә башлаячак, өстәвенә, белем бирү учреждениеләрендә генә түгел, ә ил буенча балаларны җәлеп итүнең барлык үзәкләрендә дә.
