ТР Иҗтимагый палатасы әгъзасы Ирина Александровская Славяннар дуслыгы көне концертында катнашты
25 июньдә Казанның төп җәяүле урамында милли колоритлы матур тамаша булды. Кунаклар һәм шәһәр халкы Дуслык һәм славяннарны берләштерү көне уңаеннан традицион концертны карый алдылар.
«Традиция буенча, Федор Шаляпинга һәйкәл янында Рус милли-мәдәни берләшмәсе гомуми бәйрәм үткәрүне башлап җибәрә. Әйтик, Бауман сәүдә-күңел ачу урамы бүген бик күп кешеләрне үзенә җәлеп итә. Бу көн беркемне дә битараф калдырмаячак», - диде Татарстан халыклары Ассамблеясы Советы Рәисе урынбасары, Татарстан Республикасы Иҗтимагый палатасы әгъзасы Ирина Александровская.
Истәлекле датаны бәйрәм итү өчен зур бәйрәм программасы әзерләнгән иде. Сәхнәдә танылган «Купава», «Верес» ансамбльләре, шулай ук «Сәйдәш» мәдәни үзәгенең хореографик төркемнәре чыгыш ясады.
Артистлар җәйге чорда концертларның күп булуына карамастан, шундый күркәм бәйрәмнәрнең истә калуы турында уртаклаштылар. Әйтик, «Семь нот» вокал коллективының яшь катнашучылары Анастасия Маркова һәм Светлана Невзорова укытучылар белән җырлар сайлауга бик җаваплы карауларын ассызыкладылар.
«Безгә мондый массакүләм һәм ачык чыгышлар бик ошый, чөнки алар бик тулыландыралар. Безнең музыкаль композицияләр Ватан һәм Халыклар бердәмлеге турында сөйли», - дип уртаклаштылар мәгълүмат агентлыгының әңгәмәдәшләре.
Узып баручылар игътибарын иҗади коллектив вәкилләренең кием-салымнары да җәлеп итте- стильле костюмнар славян халыкларының милли колоритын чагылдырдылар.
ТР Рус милли-мәдәни берләшмәсе, шулай ук белорусларның Казан шәһәре иҗтимагый оешмасы һәм Татарстандагы Украина милли-мәдәни автономиясе җитәкчеләре җырчы Федор Шаляпин һәйкәленә чәчәкләр салдылар. Киләсе елда аңа 150 яшь тула.
Исегезгә төшерәбез, Славяннарның дуслык һәм бердәмлек көнен беренче тапкыр XX гасырның 90 нчы елларында бәйрәм итә башладылар. Максат-славяннарның тарихи тамырлары, аларның мәдәниятен һәм халык традицияләрен саклап калу.
