Уку урыннары ярминкәсе һәм казанышлар күргәзмәсе

Казан дәүләт мәдәният институтында узган түгәрәк өстәлдә «Абилимпикс» хәрәкәте мәсьәләләре турында фикер алыштылар. Утырышта ТР Иҗтимагый палатасы Рәисе урынбасары Анастасия Исаева катнашты.

2022 елның 11 апрелендә «Абилимпикс» мөмкинлекләре чикләнгән затлар өчен һөнәри осталык милли этабының төбәк этабы старт алды. «Абилимпикс» та катнашучылар-хезмәт базарында лаеклы профессионаллар. Ә бердәм командада эшләү мөмкинлекләре чикләнгән кешеләргә үз һөнәрендә гармония һәм муллык табарга ярдәм итә.

Утырышта катнашучылар арасында Татарстан Республикасы Мәгариф һәм фән министрлыгы, коммерцияле булмаган сектор, педагогик берләшмә вәкилләре дә бар иде, алар «Абилимпикс» хәрәкәтенең нык һәм кирәкле системасын булдыру буенча тәҗрибә һәм идеяләр белән уртаклаштылар.
Анастасия Исаева үзенең йомгаклау сүзендә үз идеяләрен һәм тәкъдимнәрен җиткерде.

«Минемчә, мондый балалар белән хезмәттәшлектә иң төп бурычларның берсе - аларны мотивацияләү өстендә эшләү. Бу-четерекле хезмәт. Әмма үзен аклаячак, чөнки бу балалар, үз-үзләренә ышанып, җәмгыятьтә, эштә үз урыннарын алырга тырышачаклар ... »

Шулай ук, рәис урынбасары уку урыннары ярминкәсен вакансияләр ярминкәсенә охшатып үткәрергә тәкъдим итте. Мондый проект файдалы һәм нәтиҗәле булачак, шулай ук уку өчен урыннар эзләү процессын гадиләштерергә, анда мөмкинлекләре чикләнгән балалар үзләрен уңайлы хис итә алачак.

Икенче тәкъдим - профориентация һәм мотивация буенча лекцияләр циклы ясау, аларны «Абилимикс» чыгарылыш сыйныф укучылары һәм җәмгыятьнең төрле өлкәләреннән чакырылган спикерлар үткәрәчәк.

Киңәшләр катнашучылар тарафыннан хупланды.

Утырыштан соң «Абилимпикс» милли чемпионатында катнашучыларны бүләкләү тантанасы да булды.