ТР Иҗтимагый палатасы әгъзасы Рәфил Ногманов Татарстан Республикасы суд-медицина экспертлары табибларының йомгаклау киңәшмәсендә катнашты
2022 елның 4 мартында Татарстан Республикасы суд-медицина экспертлары табибларының 2021 елда суд-медицина хезмәте эшчәнлеге нәтиҗәләре буенча йомгаклау киңәшмәсе булды.
Киңәшмә чаралар үткәрүгә һаман да саклана торган чикләүләр шартларында, кыскартылган форматта узды. Авыр эпидемиологик вәзгыять хокук саклау органнары вәкилләрен чакырырга мөмкинлек бирмәде, тик суд-медицина хезмәте эшчәнлеген алар белән үзара хезмәттәшлексез күз алдына китерү мөмкин түгел.
Киңәшмә эшендә Россия Федерациясе Федераль Собраниесе Дәүләт Думасы депутаты ярдәмчесе А.Ф. Салаватова, Татарстан Республикасы сәламәтлек саклау министры урынбасары И.Р. Фатихов, Татарстан Республикасы Иҗтимагый палатасы әгъзасы, Татарстан Республикасы Хөкүмәтенең хокук бозуларны профилактикалау комиссиясе әгъзасы, Татарстан Республикасы Дәүләт Советының Законлылык һәм хокук тәртибе комитеты рәисе урынбасары, Татарстан Республикасы Сәламәтлек саклау министрлыгының Республика суд-медицина экспертизасы бюросы Күзәтчелек советы әгъзасы Р.Г. Ногманов катнашты. Дәрәҗәле кунаклар арасында 2003-2013 елларда бюро башлыгы булган Н.Ш. Нигъмәтуллин, 1980-2012 елларда суд-химия бүлеге мөдире булган Р.Г. Мансурова һәм Казан дәүләт медицина университеты суд медицинасы кафедрасы мөдире Л.Г. Александрова, Татарстан Республикасы буенча Эксперт-криминалистик үзәге башлыгы А.Х.Мөхәммәтҗанов чакырылган иде.
Киңәшмәдә катнашучыларга сәламләү сүзе белән РФ Эчке эшләр органнарының атказанган хезмәткәре, ТРның атказанган юристы, ТР Иҗтимагый палатасы әгъзасы, Татарстан Республикасы Сәламәтлек саклау министрлыгының Республика суд-медицина экспертизасы бюросы Күзәтчелек советы әгъзасы Р.Г. Ногманов мөрәҗәгать итте. Рәфил Габтрафик улы агымдагы моментка кыскача характеристика бирде, республиканың суд-медицина хезмәте турында берничә җылы сүз әйтте, авыр эш һәм үз гомерен суд-медицина экспертизасына багышлаган кешеләрнең эшләренә фидакарь хезмәт итүләре турында, киңәшмәдә катнашучыларга игелек һәм тынычлык теләде.