ТР Иҗтимагый палатасы әгъзасы Артем Кузнецов Тәрбиягә бала алган ата-аналар берлегенең төбәкара күчмә киңәшмәсендә катнашты
Татарстан Республикасы Иҗтимагый палатасы әгъзасы Артем Кузнецов Тәрбиягә бала алган ата-аналар берлегенең төбәкара күчмә киңәшмәсендә катнашты. Чарада Мәскәүдән, Владивостоктан, Красноярск краеннан, Новосибирсктан вәкилләр һәм Татарстан коллегалары катнашты. Очрашу Казан шәһәрендә, Татарстан Республикасы Иҗтимагый палатасының КБО Йортында узды. Киңәшмәдә катнашучылар, ата-аналар һәм коммерцияле булмаган оешмалар җитәкчеләре чыгыш ясады.
Бу бик күп балаларны тәрбияләү авыр хезмәт. Республикада 7500 дән артык гаилә, аларда 9500 гә якын тәрбиягә алынган бала тәрбияләнә. Мондый балалар өчен иң авыры - аларны кире кайтару. Моның сәбәпләре күп, һәм алар барысы да киңәшмәдә каралды. Тәҗрибә күрсәткәнчә, гаиләне алдан әзерләргә һәм проблемаларны алдан ук хәл итәргә кирәк.
Артем Кузнецов мондый гаиләләрдә әтиләрнең хезмәте аз бәяләнүе турында чыгыш ясады: гаилә күбрәк ата җилкәсендә, чөнки әниләр нигездә өйдә, балалар белән. Артем Кузнецов закон чыгару дәрәҗәсендә мондый аталарга ярдәм итәргә: керем салымын бетерергә, өстәмә ял көннәре һәм хезмәт хакы бирергә тәкъдим итте. Шулай ук күп балалы әниләрнең хезмәт стажына өй эшләрен һәм балаларны карау буенча үткәргән вакытын да кертергә кирәк, дигән фикер әйтте.
