Баулылыларның "Көмеше"
28 гыйнварда Уфа шәһәренең Конгресс-холлында Президент грантлары Фонды ярдәме белән Уфа шәһәренең иҗтимагый үсеш фонды тарафыннан тормышка ашырылган "Конструктор бергәлекләре" Төбәкара проектына йомгак ясау һәм ябылу тантанасы булды.
Ел дәвамында проектның 28 муниципаль берәмлеге онлайн-киңәшмәләрдә, ролл-аплар макетларын эшләүдә, җирле җәмәгатьчелекләр, үз территорияләренең актив гражданнары, балалар берләшмәләре белән эшләү буенча онлайн-семинарларда, Берләшмәләр мәктәбе эшендә, муниципаль "Бергәлекләр ярминкәләрен" үткәрүдә катнаштылар.
Татарстан Республикасын тәкъдим иткән Баулы муниципаль районы командасы әгъзалары - башкарма комитет җитәкчесе, муниципаль Иҗтимагый совет рәисе һәм әгъзалары, "Благо" мөмкинлекләре чикләнгән балалары булган аналарның җирле иҗтимагый оешмасы әгъзалары. Команданың барлык әгъзалары бердәм нәтиҗәгә, бердәм максатларга омтылдылар һәм проектны гамәлгә ашыруда икенче урынны яулап, спорт чаралары буенча "көмешкә" ия булдылар.
