«Хорошие истории» хәйрия фондының «Ближний круг» программасына старт бирелде
2021 елның 26 гыйнварында Россия Федерациясе Иҗтимагый палатасында "Өлкән яшьтәге кешеләргә системалы ярдәм күрсәтү ресурсы буларак коммерцияле булмаган оешмаларның мөмкинлекләре" темасына түгәрәк өстәл узды, аның инициаторлары РФ Иҗтимагый палатасының хәйрия һәм социаль эш буенча комиссиясе рәисенең беренче урынбасары Е.А. Олескина һәм РФ Иҗтимагый палатасының Коммерцияле булмаган секторны үстерү һәм социаль юнәлешле коммерцияле булмаган оешмаларга ярдәм итү комиссиясе рәисе Е.А. Тополева булды. Әлеге чараның төп мәсьәләләреннән берсе-өлкәннәргә системалы ярдәм оештыруда төрле өлкә вәкилләренең тырышлыгын берләштерү кирәклеге турында фикер алышу булды.
«Хорошие истории» («Яхшы хатирәләр») хәйрия фонды һәм «Забота рядом» («Кайгырту янәшәдә») коалициясе өлкән кешеләрне кайгырту сферасында ресурсларны берләштерүдә, алып барыла һәм оештырыла торган гамәлләргә юнәлтелгән сорауларда хезмәттәшлек итәргә әзер булулары һәм әлеге тема белән кызыксынулары турында хәбәр итәләр.
2020 елның мартында «Коалиция «Забота рядом» коммерцияле булмаган оешмасы оештырыла. Ул бүгенге көндә Россия Федерациясенең 66 регионыннан 320 коммерцияле булмаган оешма, шулай ук Эстония, Казахстан һәм Кыргызстаннан коммерцияле булмаган оешмаларны үз эченә ала. Коалициянең максаты - коммерциялe булмаган оешмалар, җирле берләшмәләр көче белән һәм хакимият белән үзара хезмәттәшлектә Россиядә өлкән буын кешеләре турында иҗтимагый кайгыртучанлыкның комплекслы системасын төзү. Коалиция төбәктә дә, федераль дәрәҗәдә дә берләшүне үстерүне һәм ныгытуны планлаштырып үз эшен дәвам итә.
2020 елның көзендә «Хорошие истории» («Яхшы хатирәләр») хәйрия фонды «Забота рядом» («Кайгырту янәшәдә») программасын башлап җибәрде. Аның кысаларында:
- конкурс нигезендә иҗтимагый кайгыртучанлык практикаларын җыю һәм аларга ярдәм итү оештырылды, алар Россия Федерациясе территориясе буенча тиражлау өчен кейслар нигезенә салындылар;
- 2011 елның 7 февраленә кадәр коммерцияле булмаган оешмалардан территориаль чараларны үткәрүгә гаризалар кабул ителә, аларның төп бурычлары - ведомстволар, учреждениеләр, берләшмәләр, коммерцияле булмаган оешмалар, бизнесның өлкәннәр турында кайгырту һәм иҗтимагый кайгыртучанлык практикаларын алга этәрү өчен хезмәттәшлек модельләрен булдыру. Җиңүчеләр чаралар үткәрүгә экспертлар ярдәмендә грантлар алачак. Чаралар Россия Федерациясенең 50 территориясендә узачак.
«Забота рядом» коалициянең ресурс үзәкләре эшли торган регионнарда, хакимият һәм бизнес белән бергәләп, өлкән буын кешеләре турында иҗтимагый кайгыртучанлыкның комплекслы системасын булдырып, алар белән чаралар уздыру буенча көчләрне берләштерергә тәкъдим ителә. Коалициягә кергән ресурс үзәкләре һәм коммерцияле булмаган оешмалар исемлеге белән сайтта танышырга мөмкин: https://silveragemap.ru/zabota-ryadom/