ТР Иҗтимагый палатасы әгъзалары Мөнир Гафиятуллин, Ирек Закиров һәм Дмитрий Романов ТР Төзелеш, архитектура һәм ТКХ Министрлыгының йомгаклау коллегиясе эшендә катнаштылар
21 гыйнварда Татарстан Республикасы Иҗтимагый палатасы Рәисе урынбасары Гафиятуллин Мөнир Минхәйдәр улы, Татарстан Республикасы Иҗтимагый палатасы әгъзалары Закиров Ирек Мөнир улы һәм Романов Дмитрий Сергеевич Татарстан Республикасы төзелеш, архитектура һәм торак-коммуналь хуҗалык Министрлыгының йомгаклау коллегиясе эшендә катнаштылар. Утырышта Татарстан Республикасы Президенты Рөстәм Миңнеханов, РФ төзелеш һәм торак – коммуналь хуҗалык министры урынбасары Никита Стасишин, "ТКХ реформалауга ярдәм фонды" ДК директоры Константин Цицин катнашты.
ТР Төзелеш, архитектура һәм торак-коммуналь хуҗалык министры Марат Айзатуллин министрлыкның 2020 елгы эшчәнлегенең төп нәтиҗәләре һәм агымдагы елга өстенлекле бурычлар турында сөйләде. "РФ Дәүләт Советының төзелеш, торак - коммуналь хуҗалык һәм шәһәр мохите буенча эш төркеменең Татарстан Республикасы Президенты Рөстәм Нургали улы Миңнеханов җитәкчелегендәге эш төркеме һәм Марат Шакирҗан улы Хөснуллин җитәкчелегендәге төзелеш тармагына ярдәм итүдә региональ үсеш буенча штаб эше нәтиҗәсе буларак, 2020 ел нәтиҗәләрен билгеләгән һәм алга таба үсеш өчен нигез салган карарлар эшләү булды", - дип билгеләп үтте министр.
Татарстан Төзелеш министрлыгы башлыгы әйтүенчә, пандемия вакытында төзелешне туктатмау карары нигезендә, ирешелгән күрсәткечләрне саклап кала алдык. Узып баручы елда 2 млн 680 мең квадрат метр торак файдалануга тапшырылган. Аерым алганда, социаль ипотека программасы буенча 153 йорт яки 216,5 мең квадрат метр төзелгән. Шәхси торак төзелеше кысаларында гомуми мәйданы 1 млн. 452 мең квадрат метр булган 11 мең йорт төзелгән.
Ул шулай ук торак базарында тотрыклыландыруда төп рольне ел саен 6,5% ташламалы ипотека федераль программасы уйнады, дип билгеләде. «Республикада узган елда 10 мең 492 ташламалы кредит бирелде. Шәхси торак төзелеше базары өчен авыл ипотекасы программасы нәтиҗәле чара булды, аның буенча Татарстанда 1 мең 639 кредит рәсмиләштерелгән», - диде Марат Айзатуллин.