ЯҢАЛЫКЛАР
«Игелекле эшләр көне» фонды остаханәсендә көн саен диярлек төрле дәресләр, консультацияләр, мастер-класслар уза. Без монда һәркем күңеленә хуш килерлек шөгыль тапсын, сорауларга җаваплар алсын яки җылы компаниядә аралашсын өчен, кулдан килгәннең барысын да эшләргә тырышабыз. Бу фондта дуслар һәм волонтерлар булыша. Алар арасында дустанә оешмалар һәм проектлар да бар.
2020 елның 22-24 декабрендә Казанда Татарстан Республикасының VIII Яшь Гражданнары Форумы узды. Форумда 11-17 яшьлек 1000нән артык актив бала һәм яшүсмер катнашты. Форум офлайн форматта да, онлайн форматта да узды. Республика районнарыннан һәм Татарстанның эре балалар иҗтимагый берләшмәләреннән 180 иң актив яшүсмер офлайн форум делегатлары булды, ә 800 дән артык кеше өзлексез белем бирү һәм иҗади программада онлайн режимда катнашты.
24 декабрьдә КидСпейс Балалар шәһәре мәйданчыгында Татарстан мәктәп бизнес-компанияләренең традицион Яңа ел хәйрия ярминкәсе узды. Ярминкәгә шәһәрнең төрле мәктәпләреннән 9 компания җыелды.
2020 елның 25 декабрендә 9.00 сәгатьтән 12.00 сәгатькә кадәр Татарстан Республикасы Иҗтимагый палатасында Торак-коммуналь хуҗалык өлкәсендәге актуаль мәсьәләләр буенча гражданнарны кабул итү булачак.
2020 елның 19 декабрендә Татарстан Республикасы Иҗтимагый палатасының этникара һәм конфессияара мөнәсәбәтләр буенча комиссиясенең, Иҗтимагый палата экспертларының һәм КФУ каршындагы Иҗтимагый-сәяси һәм этноконфессиональ мәсьәләләр буенча Эксперт советы әгъзаларының республика тарихында беренче уртак утырышы узды.
2020 елның 21 декабрендә Татарстан Республикасы Президентының Коррупциягә каршы сәясәт мәсьәләләре Идарәсе тарафыннан Татарстан Республикасының коррупциягә каршы сәясәтен гамәлгә ашыруның аерым юнәлешләре буенча видеоконференция режимында гамәли семинар оештырылды һәм үткәрелде. Татарстан Республикасы Иҗтимагый палатасының иҗтимагый контроль буенча комиссиясе рәисе Артур Мостаев Татарстан Республикасы муниципаль берәмлекләрендә иҗтимагый советларның төп эш юнәлешләре – җирле үзидарә органнары эшчәнлегенә җәмәгать контроле һәм халыкка хокукый белем бирү турында сөйләде.
2020 елның 18-20 декабрендә Мәскәү өлкәсенең Краснознаменск шәһәрендә, Мәскәү асты сугышында җиңүнең 78 еллыгы уңаеннан, яңа спорт төре - абсолют реаль көрәш буенча беренче Бөтенроссия турниры узды.
2020 елның 16-19 декабрендә Пермьдә VII Бөтенроссия милли бердәмлек форумы узды, анда Россия халыкларының этномәдәни үсеше өлкәсендә иң яхшы тәҗрибәләрне сайладылар.
Татарстан Республикасы Иҗтимагый палатасы әгъзасы Артем Кузнецов Яңа ел алдыннан Казанның мохтаҗ күпбалалы гаиләләренә 300 кг чамасы тавык ите таратты. Нигездә, авыр тормыш хәлендә булган 5 һәм аннан да күбрәк балалы гаиләләр чакырылган иде.
«Игелекле эшләр көне» хәйрия фонды «Һөнәр белән танышу» проекты кысаларында Казанның 61 нче мәктәбенең өлкән сыйныф укучылары өчен сәламәтлек мөмкинлекләре чикләнгән балалар өчен Россиянең иң эре сәнәгать гигантларының берсе – «Казаноргсинтез» ПАОга экскурсия үткәрде.