ТР Иҗтимагый әгъзалары шефлыкка алынган балалар йортында булдылар
14 сентябрьдә Татарстан Республикасы Иҗтимагый палатасы әгъзалары Казан шәһәренең Идел буе районы балалар йортында булдылар. ТР Иҗтимагый палатасы бу учреждениегә 2020 елдан бирле шефлык итә. Бүген балалар йортында 23 бала яши.
Чарада ТР Иҗтимагый палатасы рәисе урынбасары Асия Тимирясова һәм палата әгъзасы Фәрид Сафин катнашты. Алар балаларны уку елы башлану белән котладылар, бүләкләр тапшырдылар, аларга иминлек, яхшы укуларын теләделәр һәм укудан тыш иҗатка да вакыт барлыгын билгеләп үттеләр.
Тәрбияләнүчеләр өчен беренче медицина ярдәме күрсәтү буенча мастер-класс үткәрелде. Дәресне Россия Кызыл Хачның Татарстан төбәк бүлеге кече инструкторлары Долгор Булгутова һәм психология һәм педагогика факультеты студентлары Зарета Эсмурзиева оештырды. Балалар мастер-класста актив катнаштылар.
Балалар йорты администрациясе кунакларга игътибарлары һәм ярдәмнәре өчен рәхмәт белдерде. Шулай ук Иҗтимагый палата вәкилләре өчен учреждение буйлап экскурсия үткәрелде.
ТР Иҗтимагый палатасы шефлыкка алынган балалар йорты белән даими эшләвен дәвам итә, ятим балаларга һәм ата-ана кайгыртуыннан мәхрүм калган балаларга ярдәм итүгә аерым игътибар бирә.
