Чистайда Кама аръягы коммерцияле булмаган оешмалары өчен финанс куркынычсызлыгы һәм грантрайтинг буенча семинар үткәрелде
4-5 сентябрьдә Чистайда Кама аръягының сигез районында коммерцияле булмаган оешмалар өчен ике көнлек практик юнәлешле семинар үткәрелде. Оештыручы – «Единство» социаль юнәлешле коммерцияле булмаган оешма муниципальара ресурс үзәге. Чараның модераторы – үзәк җитәкчесе, ТР Иҗтимагый палатасы әгъзасы Софья Хәсәнова. Очрашуның төп темасы коммерцияле булмаган оешмаларның тотрыклы үсеше – хокукый һәм финанс иминлеге, ресурслар һәм үсеш нокталары булды.
Интенсивта 20 кеше катнашты –коммерцияле булмаган оешмаларның тәҗрибәле җитәкчеләре дә, башлап җибәрүчеләр дә. Катнашучыларны «Чистай шәһәре» муниципаль берәмлеге башлыгы урынбасары Михаил Ксенофонтов һәм Чистай районы Башкарма комитетының яшьләр эшләре бүлеге начальнигы Дамир Хәсәнов сәламләде. Алар социаль мәсьәләләрне хәл итүдә коммерцияле булмаган оешмалар һәм муниципаль учреждениеләр арасындагы хезмәттәшлекнең мөһимлеген билгеләп үттеләр.
Семинар программасында төп өч блоктан торды:
- Беренче блок – «Коммерцияле булмаган оешмалар лабораториясе: Лидерлар мәктәбе». Спикерлар кыенлыкларны җиңү, команда төзү, диаспоралар белән эшләү һәм авылда креатив индустрияләрне үстерү тәҗрибәләре белән уртаклаштылар.
- Икенче блок – юридик һәм финанс яктан тотрыклылык сәләте. Катнашучылар 7-ФЗ номерлы Федераль закон таләпләрен, финанслауны диверсификацияләү мәсьәләләрен һәм Юстиция министрлыгына хисап тапшыруның актуаль аспектларын тикшерделәр.
- Өченче блок – проект менеджменты һәм грантрайтинг. Анда ТР Яшьләр эшләре министрлыгы конкурсларында катнашу буенча тәкъдимнәр һәм катнашучыларга идеяләр алмашырга һәм стандарт булмаган чишелешләр табарга мөмкинлек биргән «Мировое кафе» («Дөнья кафесы») эшлекле уены да бар иде.
Практик күнекмәләргә аерым игътибар бирелде: грант гаризаларын тутыру, финанс документациясен алып бару һәм норматив актлар белән эшләү. Катнашучылар шулай ук хезмәттәшләренең уңышлы гамәлгә ашырылган проектлары турында видеофильмнар карадылар. Бу материаллар Кама аръягындагы коммерцияле булмаган оешмаларның иң яхшы практикаларын таратуга юнәлдерелгән «География добрых дел» («Игелекле эшләр географиясе») проектына кертелгән.
Семинар тәҗрибә уртаклашу һәм Кама аръягы коммерцияле булмаган оешмалар бергәлеген ныгыту мәйданчыгына әверелде. Мондый чаралар коммерцияле булмаган оешмаларның тотрыклылыгын арттыруга, граждан инициативаларын үстерүгә һәм урыннарда тормыш сыйфатын яхшыртуга ярдәм итә.
