ТР Иҗтимагый палатасы республикада гражданлык җәмгыяте үсеше тарихы турында басма әзерли

2026 елның 13 марты, җомга

Татарстан Республикасы Иҗтимагый палатасында төбәктә гражданлык җәмгыяте институтларын торгызуга һәм ныгытуга багышланган басманы әзерләү буенча эшлекле киңәшмә үткәрелде.

Иҗтимагый палата эшләгән елларда уникаль тәҗрибә тупланды, хакимият һәм җәмгыять арасындагы хезмәттәшлекнең нәтиҗәле инструментлары һәм практикалары формалаштырылды, алар Татарстанда гына түгел, аннан читтә дә танылу алды. Бу юл – беренче адымнардан алып заманча казанышларга кадәр-әзерләнүче басмада чагылачак.

Очрашуда катнашучылар 2006 елдан башлап Республикада Гражданлык җәмгыятенең барлыкка килүе һәм үсешенең төп этапларын чагылдырырга тиешле җыентык концепциясе турында фикер алыштылар. Татарстанда тотрыклы иҗтимагый институтлар формалашуга ярдәм иткән шәхесләргә, мөһим вакыйгаларга һәм даталарга аерым игътибар бирелде.

Киңәшмәдә ТР Иҗтимагый палатасы әгъзалары, шулай ук чакырылган экспертлар катнашты:

• Асия Тимирясова, Татарстан Республикасы Иҗтимагый палатасы рәисе урынбасары;
• Олег Агапов, «В.Г. Тимирясов исемендәге Казан инновацион университеты» югары һөнәри белем бирү учреждениесенең стратегик инициативалар буенча ректоры киңәшчесе;
• Игорь Бикеев, В.Г. Тимирясов исемендәге Казан инновацион университетының беренче проректор, фәнни эшләр буенча проректоры, җинаять хокукы һәм процессы кафедрасы профессоры, ТР Дәүләт Советының Законлылык һәм хокук тәртибе комитеты әгъзасы;
• Зөлфия Сафина, «Социаль юнәлешле коммерцияле булмаган оешмаларга ярдәм итү буенча республика ресурс үзәге» коммерцияле булмаган оешма вәкиле.

Очрашуда катнашучылар дөнья күрәчәк басманың мөмкин булган форматлары турында фикер алыштылар һәм республикада гражданлык җәмгыятенең күпьеллык үсеш юлын чагылдырырга тиешле материаллар әзерләү буенча алдагы адымнарны билгеләделәр.