Азнакай районы Иҗтимагый советының Актүбә шәһәр тибындагы бистәсендә күчмә утырышы
Актүбә бистәсендә Азнакай районы Иҗтимагый советның күчмә утырышы булды, ул ачык әңгәмә һәм тәҗрибә уртаклашу мәйданчыгына әверелде. Очрашу барышында иҗтимагый активлык, халык белән хезмәттәшлек һәм урыннарда инициативаларны гамәлгә ашыру мәсьәләләре каралды. Катнашучылар «Авыл яши» дигән авыл территорияләрен үстерүнең мөһим проектлары белән таныштылар. Очрашуда Азнакай башкарма комитеты җитәкчесе Шәмсетдинов А.Х., район Советы Аппараты җитәкчесе Галиева Э.С., Севостьянов А.Л., шәһәр тибындагы бистә башлыгы И.И. Мөхәммәтҗанов, Актүбә бистәсе башкарма комитеты җитәкчесе катнашты.
А.Х. Шәмсетдинов авыл территорияләрендә эшмәкәрлек эшчәнлеген активлаштырырга өндәде, Татарстан Республикасында проектларны уңышлы үстерүгә мисаллар китерде. Авыл хуҗалыгы һәм азык-төлек идарәсе башлыгы Исламов Р.А. авылда эшмәкәрлекне үстерү мөмкинлекләре белән уртаклашты, Иҗтимагый совет әгъзасы Якупов М.Р. авылда кече бизнеска ярдәм программалары белән таныштырды. Әхмәдишина Л.М. Иҗтимагый совет җитәкчесе Нина Хвалееваның актив гражданлык позициясен билгеләп үтте.
Иҗтимагый совет әгъзасы Хвалеева Н.В. бистәнең гражданлык формированиеләре, ТР көмеш волонтерлары эшчәнлеге турында сөйләде. Э.С. Галиева бистә җәмәгатьчелегенең «Барысы да җиңү өчен» хәрәкәтенә керткән өлешен югары бәяләде.
Волонтерлар һәм территориаль иҗтимагый үзидарәләр вәкилләре белән очрашуга аерым игътибар бирелде. Катнашучылар үз тәҗрибәләре белән уртаклаштылар, хәзерге вакыттагы проектлар һәм планнар турында сөйләделәр, үз ирке беләш эш башкаручылар хәрәкәтенә ярдәм итү мәсьәләләре турында фикер алыштылар.
Табында чәй эчеп утырганда формаль булмаган җылы аралашу әңгәмәне дустанә атмосферада дәвам итәргә, хезмәттәшлекне ныгытырга һәм уртак эшнең алдагы адымнарын билгеләргә мөмкинлек бирде. Утырыш барышында «Красная гвоздика» («Кызыл канәфер») проекты активистларын бүләкләделәр.
Иҗтимагый советның күчмә утырышлары территорияләр белән элемтәләрне ныгытуга, гражданлык инициативаларына ярдәм итүгә һәм актив, битараф булмаган берләшмәне үстерүгә ярдәм итә.
