Баулы шәһәрендә «Тәгәрмәчле тернәкләндерү үзәге сиңа килә!» проектында катнашучылар өчен СМОГУкарларда масштаблы ярыш үткәрелде.

2025 елның 18 ноябрендә Баулы шәһәренең универсаль спорт залында «Тәгәрмәчле тернәкләндерү үзәге сиңа килә!» проектында катнашучылар өчен  СМОГУкарларда масштаблы ярыш булды.

Ел буена мобиль тернәкләндерү комплексы мохтаҗ татарстанлыларның тәрәзәләре каршына килде, ә бүген алар спорт бәйрәмендә катнашу өчен үзләре Баулы шәһәренә килделәр.

Спорт залы тулы иде: Татарстанның һәм Башкортстанның 9 җирлегеннән 100гә якын катнашучы, мәртәбәле кунаклар, партнерлар вәкилләре, волонтерлар, судьялар, җанатарлар, мәдәният йорты артистлары, ярышучыларның туганнары һәм проектның командасы.

Баулы шәһәренә визит белән Кызыл Яр, Байрак, Кече Бөгелмә, Кырым-Сарай, Ютазы авылларыннан, Урыссу һәм Карабаш бистәләреннән, шулай ук күрше Башкортстан Республикасының Октябрьский шәһәреннән катнашучылар килде. Баулылылар үзләре дә читтә калмадылар, катнаштылар. Алар барысы да башкаларны күзәтергә һәм үзләрен күрсәтергә килгәннәр!

Чара «Бөтенроссия инвалидлар җәмгыяте» хәйрия төбәк оешмасы җаваплылыгы чикләнгән җәмгытенең  Октябрьск шәһәр оешмасы рәисе Т.Б. Кетько башкаруында берләштерүче «Россия» җыры белән башланып китте. Катнашучылар дикъкать белән Ватан турындагы җырны тыңладылар, кулларында флаглар чагылып үтте.

Ярышны Баулы муниципаль районы башлыгы И.И. Гозаиров ачып җибәрде һәм «тренажер-машинкалардагы ярышлар оештырган саен күбрәк катнашучыларны җыя», дип билгеләп үтте.

– Менә Марат Мөдәрис улы гаиләсенең бу даирәсе киңәя генә бара, сәламәтлеге ягыннан мөмкинлекләре чикләнгән кешеләрне тернәкләндерүгә бәяләп бетергесез өлеш керткән һәм аларны берләштергән өчен сезгә, җәмгыятегезгә, командагызга рәхмәт. Сезгә яңа идеяләр, аларны тормышка ашыру һәм аларның файда китерүен телим. Ә катнашучылар бүген бу бәйрәмнән аралашу һәм бик күп уңай хисләр алсыннар! – диде Ильяс Исмәгыйль улы, оештыручыларга һәм катнашучыларга мөрәҗәгать итеп.

Форсаттан файдаланып, район җитәкчелеге сәламәтлеге ягыннан мөмкинлекләре чикләнгән кешеләрне тернәкләндерүгә керткән бәяләп бетергесез өлеше өчен проект командасын бүләкләде. И.И. Гозаиров тарафыннан медальләр, мактау грамоталары тапшырылды, Баулы муниципаль  районы башкарма комитеты җитәкчесенең социаль мәсьәләләр буенча беренче урынбасары И.И. Хөснуллина рәхмәт хатлары тапшырды.

Катнашучыларны һәм барлык җыелган халыкны проект җитәкчесе М.М. Ильясов та сәламләде, инновацион проектка йомгак ясап, мөһим социаль эшкә катнашы булганнарга рәхмәт белдерде һәм рәхмәт хатлары тапшырды.

Ярышлар авыл җирлекләре арасында команда эстафетасы рәвешендә үткәрелде, анда катнашучылар бер-берсе белән тизлек, каршылыкларны җиңеп чыгу, иптәшләренә ярдәм итү, бердәмлек буенча ярыштылар. Әмма барысы да җиңде, чөнки һәммәсе дә тәгәрмәчле тернәкләндерү үзәгендә сәламәтлекне һәм хәрәкәт активлыгын ныгытты.

Бүләкләү тантанасын Баулы муниципаль  районының спортны һәм туризмны үстерү бүлеге башлыгы И.И. Төхвәтуллин һәм ярышларның даими партнеры һәм иганәчесе – «Пакер» дәүләтнеке булмаган пенсия фонды  җаваплылыгы чикләнгән җәмгытенең  вәкиле — «Пакер» дәүләтнеке булмаган пенсия фонды  җаваплылыгы чикләнгән җәмгытененең персоналны сайлау хезмәте җитәкчесе А. А. Фәйрушин алып барды. Төхвәтуллин командаларга истәлекле кубокларны тапшырды, алар аны үзләренең кече ватанына алып китә, А.А. Фәйрушин –  призлар салынган ачык төстәге пакетларны тапшырды. Катнашучылар шулай ук дипломнар һәм «Я СМОГУ!» брелоклары белән бүләкләнделәр.

М.Р. Габделхакова җитәкчелегендәге «Ваш праздник» («Сезнең бәйрәм») шәхси предприятиесе фотозонаны һава тутырылган шарлар белән бизәп, Васинова Т.П. шәхси предприятиесе проект мизгелләре белән матур фотобаннер әзерләп, чын бәйрәм атмосферасын булдырырга ярдәм итте.

Катнашучыларга старт пакетларын тагын бер даими партнерыбыз – Л.Х. Билалова җитәкчелегендәге 
«БлагоДарение» яшь буынга һәм  социаль инициативаларга ярдәм итү Хәйрия фонды шәхси эшмәкәр Риянов Р.Т. белән берлектә әзерләде. Катнашучыларны мөһим вакыйгага алып барырга Октябрьский шәһәреннән А. Хабаров һәм Баулы шәһәреннән П. Павловский булышты.

Чара район мәдәният йортының һәм М.Җәлил исемендәге мәдәният йортының иҗат хезмәткәрләре тарафыннан оештырылган концерт программасын тәшкил итте. Биредә вокаль ансамбль һәм Мәҗитова Е., Гатина Р., Абдуллина Г., Вальтеева Г., Әхмәтҗанова С. башкаруында күңелле җырлар яңгырады. Күркәм шигырьләр, баянда рус һәм татар көйләре тәкъдим ителде. Алып баручы ролендә Е.М. Иргалиева чыгыш ясады.

Ярышларны үткәрүдә Баулы районының спорт бүлеге тренерлары командасы, 3 нче һәм 5 нче номерлы мәктәпләрдән «БлагоДарение» хәйрия фонды волонтерлары ярдәм итте.

Спорт бәйрәме уртак фотография һәм «Вызов» җыры белән тәмамланды.

«Тәгәрмәчле тернәкләндерү үзәге сиңа килә!» проекты «Татнефть» гавами акционерлык җәмгыяте грантын кулланып гамәлгә ашырыла.