Казанда шикәр диабетына каршы көрәшкә багышланган масштаблы фестиваль һәм яңа диабет буенча белешмәлекне тәкъдим итү үткәрелде

14 ноябрьдә «Мега Казан» сәүдә үзәгендә шикәр чире турында хәбәрдарлыкны арттыруга багышланган зур чара үткәрелде. Диабетка каршы көрәш фонды оештырган фестиваль кысаларында Президент грантлары фонды ярдәмендә эшләнгән шикәр диабеты буенча белешмәлекне тәкъдим итү булды.

Чарада ТР Иҗтимагый палатасы рәисе Зилә Вәлиева һәм Хокук мәсьәләләре һәм иҗтимагый контроль комиссиясе әгъзасы Анастасия Исаева катнашты.

Бу вакыйга 1000нән артык катнашучыны җыйды, аларга кыйммәтле мәгълүмат һәм авыру белән идарә итү өчен яңа мөмкинлекләр тәкъдим итте.

Чараның төп максаты – шикәр диабеты, аны профилактикалау һәм дәвалауның заманча ысуллары турында хәбәрдарлыкны арттыру. Фестиваль белгечләрне, партнерларны һәм пациентларны бер мәйданчыкта берләштерде, белем һәм тәҗрибә уртаклашу өчен платформа булдырды.

Төрле шәһәрләрдән килгән күпсанлы партнерлар арасында:

* бөтен гаилә өчен мавыктыргыч өстәл уеннары алып килгән DiaTalks.

* диабет белән авыручылар турында стереотипларны юкка чыгара торган «Матурлыкның биш төсе» фотокүргәзмәсе белән «Герофарм».

* «Сәламәтлек автобусы» проекты белән «Сбербанк страхование жизни».

* җиһазлар белән ярдәм иткән «Расческов күз хирургиясе» офтальмология клиникасы.

*   диабет белән авыручы кешеләргә уңайлы булсын өчен махсус тегелгән адаптив киемнәр демонстрациясе белән ДИА ГАРДЕРОБ 

* Россия глюкометрларын һәм тест-полоскаларын тәкъдим иткән «ЭЛТА»  компаниясе, 

 * Россиядә җитештерелгән глюкозаны өзлексез мониторинглау системасын (НМГ) тәкъдим иткән «Колибри» фәнни-җитештерү берләшмәсе.

* Россиядә җитештерелгән  гипогликемияне туктату өчен чаралар тәкъдим иткән «ГИПОСТОП» компаниясе

* Үзеңне кайгырту өчен чаралар белән «АвантаТрейдинг»

* алдынгы ябык элмәк технологиясен тәкъдим иткән Free Life.

* Мобиль физиокабинеты белән «Елатом приборлар заводы».

Көн дәвамында квалификацияле сигез спикер диабет белән авырганда күрү сәләтен саклау, гипогликемия очрагында беренче ярдәм күрсәтү һәм диабет мәктәпләрендә катнашу мөмкинлеге кебек мөһим темаларны үз эченә алган лекцияләр һәм мастер-класслар үткәрде.

Балалар һәм аларның ата-аналары өчен интерактив зоналарга аерым игътибар бирелде. Кечкенә кунаклар диабет белән көрәш символы булган зәңгәр түгәрәкле  фотозонада рәхәтләнеп фотога төштеләр, брошюралар ясадылар һәм ташларга рәсем төшерделәр, сәламәт яшәү гадәтләренә өйрәтү процессын мавыктыргыч уенга әйләндерделәр.

Катнашучыларның фикерләре мондый инициативаларның әһәмиятен һәм кирәклеген раслады.

Фестивальдә катнашучы Ирина үзенең тәэсирләре белән уртаклашты: «Фестивальне үткәргән өчен рәхмәт белдерәм. Мин бик күп кызыклы нәрсәләр белдем. Сәламәтлегем турында уйлана башладым һәм шикәр диабеты буенча белешмәгә язылдым. Әнием диабет белән авырый, һәм мин андый кешеләр өчен күпме заманча һәм бушлай нәрсәләр барлыгын белми идем».

1 нче тип диабет белән авыручы волонтер Светлана: «Мин инде 5 ел 1 нче тип диабет белән авырыйм һәм безнең диабет белән көрәш фонды барлыгын һәм аның шулкадәр күп файдалы проектларны гамәлгә ашыруын белми идем. Аларның волонтерлар җыюы хакында ишеттем дә гариза бирдем. Фестивальдә адаптив кием күрсәтүдә катнаштым. Үзем инсулин помпасы киеп йөрим һәм безнең өчен шундый уңайлы кием барлыгын белми идем. Оештыручыларга рәхмәт!»

Фестиваль 1000нән артык катнашучыны җәлеп итте, һәм күпчелек мондый чараларны ешрак үткәрергә теләк белдерде. Алар фикеренчә, мондый инициативалар мөһим мәгълүматны җиңел һәм аңлаешлы формада үзләштерергә, белгечләр белән аралашырга һәм фикердәшләр табарга мөмкинлек бирә. Диабет буенча белешмә һәм  фестиваль тулаем диабет белән авыручыларның һәм аларның якыннарының тормыш сыйфатын яхшырту буенча нәтиҗәле эшнең ачык мисалы булды.