Азнакай муниципаль районының Иҗтимагый советы әгъзасы Азнакай шәһәре гимназиясендә «Уңыш бәйрәме» оештырды
8 сентябрьдә «Азнакай шәһәре гимназиясе» муниципаль бюджет гомуми белем бирү учреждениесе территориясендә «Уңыш бәйрәме»н билгеләп үттеләр.
Чара Азнакай районы Иҗтимагый советы әгъзасы Г.Л. Абдуллина катнашында оештырылды. Чарада шәһәр советы аппараты җитәкчесе А.Ф. Хәлиуллин катнашты.
Гимназия укучылары һәм аларның ата-аналары тырышлыгы белән көзге уңыштан күргәзмә-сату оештырылды. Иҗади чыгышлар яхшы кәеф тудырды һәм кунакларга уңай хисләр бүләк итте.
Бәйрәмнең аерым бер өлеше иң актив кешеләрне хөрмәтләүгә багышланды. Алар Татарстан Республикасы һәм Азнакай районы җитәкчелегенең Рәхмәт хатларына лаек булдылар.
Моннан тыш, бәйрәм хакимият һәм гражданнар арасында әңгәмә өчен мәйданчык булды. Чара кысаларында 5, 6 һәм 12 нче территориаль иҗтимагый үзидарәләрдә яшәүчеләрнең Азнакай шәһәр Советына депутатлыкка кандидатлар белән очрашуы булды. Бу шәһәр халкына үзләрен борчыган сорауларны рәсми булмаган шартларда бирергә һәм үз микрорайоннарының проблемалары турында фикер алышырга мөмкинлек бирде.
