ТР Иҗтимагый палатасы әгъзасы Маргарита Филатова-Сафронова «Линия Жизни» хәйрия фондының тантаналы чарасында катнашты
2 июньдә Мәскәүдә «Линия Жизни»(«Тормыш линиясе») хәйрия фондының 21 еллыгына багышланган«Добрые паруса» дигән тантаналы чарасы уздырылды. Татарстан Республикасыннан сәламәтлек саклау министры урынбасары Владимир Филатов, Республика балалар клиник хастаханәсе баш табибы урынбасары Алла Гомәрова, ТР Иҗтимагый палатасының сәламәтлек саклау һәм демография комиссиясе әгъзасы Маргарита Филатова-Сафронова катнашты.
Республика вәкилләре Фонд Президенты Фаина Захаровага котлау һәм рәхмәт сүзләре белән мөрәҗәгать итте, Татарстан Республикасы балаларына ярдәм итүдә Фондның бәяләп бетергесез ролен ассызыкладылар (югары технологияле җиһазлар сатып алу, адреслы ярдәм). Маргарита Александровна белән Владимир Сергеевич Фаина Яковлевнага рәхмәт йөзеннән Казан рәссамы Елена Гайфуллинаның «Парусник» картинасын бүләк иттеләр, Рәсем сәнгате музее директоры, ТР Иҗтимагый палатасы әгъзасы Розалия Нургалиева әйтүенчә, «бу яхшы тарих». Маргарита Александровна котлау ахырында автор иҗат иткән юлларны укыды:
«Яхшылык җилкәне астында – сезнең якты юлыгыз,
Йөрәк – компас, мәхәббәт –хәрәкәт,
Сез өмет кояшыдай нурлар сирписез,
Ярдәм дә, яхшылык та, савыгу да!»
