Россиядә Экология һәм табигатьне саклау проектларының Президент фонды төзелде

Россия Президенты Владимир Путин «Экология һәм табигатьне саклау проектларының Президент фондын булдыру турында» Указга кул куйды.

Фонд гражданнарның, коммерциягә карамаган хөкүмәтнеке булмаган оешмаларның, махсус сакланыла торган табигать территорияләре белән идарә итү учреждениеләренең әйләнә-тирә мохитне саклау һәм хайваннарны яклау буенча инициативаларына ярдәм итү максатларында төзелде.

Фонд эшчәнлегенең максатлары түбәндәгеләр:

• экологик һәм табигатьне саклау проектларына һәрьяклап ярдәм итүне тәэмин итү, шул исәптән конкурслар үткәрү һәм аларның нәтиҗәләре буенча шундый проектларны гамәлгә ашыруга Россия Федерациясе Президенты грантлары бирү;
• әйләнә-тирә мохитне саклау һәм хайваннарны яклау өлкәсендә программалар, экологик һәм табигатьне саклау проектлары, шул исәптән гражданнар, коммерциягә карамаган хөкүмәтнеке булмаган оешмалар, махсус сакланыла торган табигать территорияләре белән идарә итү учреждениеләр катнашында проектлар төзү һәм гамәлгә ашыру;
• әйләнә-тирә мохитне саклау һәм хайваннарны яклау өлкәсендәге эшчәнлекне үстерү;
• әйләнә-тирә мохитне саклау һәм хайваннарны яклау өлкәсендә хәйрия һәм ирекле эшчәнлекне (волонтерлыкны) оештыру һәм аларга ярдәм итү;

Якындагы 3 елда Фондның еллык бюджеты 1 млрд сум тәшкил итәчәк.