ТР Иҗтимагый палатасы әгъзасы Изольда Жуйкова ТР Үзәк сайлау комиссиясенең истәлекле медале белән бүләкләнде
ТР Иҗтимагый палатасы әгъзасы, ТР Үзәк сайлау комиссиясе каршындагы Эксперт советы әгъзасы, «Гаилә канаты астында» Төбәк иҗтимагый оешмасы президенты Изольда Жуйкова ТР Үзәк сайлау комиссиясенең истәлекле медале белән бүләкләнде.
Изольда Павловна «Бөтен гаилә белән сайлауларга» республика конкурсын оештыруга һәм уздыруга керткән зур өлеше өчен «ТАССР Үзәк сайлау комиссиясенең беренче составы формалашуга 100 ел» медале белән бүләкләнде. Әлеге проект 2024 елның мартында РФ Президентын сайлауларда тавыш бирү алдыннан, аннары сентябрьдә ТР Дәүләт Советына депутатлар сайлау алдыннан гамәлгә ашырылды.
Андрей Кондратьев, ТР Үзәк сайлау комиссиясе рәисе:
««Сайлауларга бөтен гаилә белән» конкурсы ярдәмендә безнең ил Абрамовларның күп балалы гаиләсе – әлеге проектның җиңүчесе турында белде. Мондый нәтиҗә Изольда Павловна Жуйкова катнашыннан башка мөмкин булмас иде. Аның оештыру тәҗрибәсе безгә «Бөтен гаилә белән сайлауларга» конкурсын уздыру чорында бик кирәк булды. Ышанам ки, гаилә белән тавыш бирү традицияләрен без киләчәктә дә сайлау кампанияләре кысаларында үстерәчәкбез. Бөтен гаилә белән тавыш бирүне сайлау системасының тагын бер стандарты итәчәкбез».
