ТР Мәгариф һәм фән министрлыгы коллегиясенең күчмә утырышы булды

2024 елның 6 февралендә Татарстан Республикасы Иҗтимагый палатасының Фән, мәгариф һәм агарту эшчәнлеге буенча комиссиясе рәисе Тамара Федорова «Татарстан Республикасында педагогик кадрлар әзерләү системасын үстерү» Татарстан Республикасы Мәгариф һәм фән министрлыгы коллегиясенең күчмә утырышында катнашты.

ТР Мәгариф һәм фән министры Илсур Һадиуллин ассызыклаганча, тема ТР мәгариф системасы өчен бик мөһим, анда 77 меңнән артык педагогик хезмәткәр исәпләнә, шуларның 32 меңнән артыгы – укытучылар. Педагогик кадрлар җитмәү проблемасы актуаль булып кала. 2023/2024 уку елы башына республикада педагогик хезмәткәрләргә ихтыяҗ 2000гә якын укытучыны тәшкил итә. 2024/2025 уку елына фаразланган ихтыяҗ 3,5 меңнән артык кеше тәшкил итәчәк. Иң күп вакансияләр математика, рус теле, физика, чит тел, башлангыч сыйныфлар кебек фәннәр буенча бар.

Безнең республикада мәгариф хезмәткәрләренә түбәндәге ярдәм чаралары гамәлгә ашырыла:

• узган елның 1 гыйнварыннан беренче өч ел эчендә яшь педагогларга айлык өстәмә 2,5 мең сум тәшкил итә;
• федераль бюджет акчаларыннан сыйныф җитәкчелеге өчен ай саен 5 мең сум күләмендә түләүләр, шул ук вакытта республика түләүләре сакланып калган: сыйныф өчен 550 сум һәм айга бер укучы өчен 80 сум.

10 елдан артык билгеләнгән грант проектлары гамәлгә ашырыла: «Алгарыш», «Безнең яңа укытучыбыз». Педагог һәм остаз елында Татарстан Рәисенең ярдәме белән педагогик хезмәткәрләр өчен 36 мең ноутбук сатып алынган.

Коллегиядә эчтәлекле докладлар белән министрның беренче урынбасары Андрей Поминов ТРда кадрлар әзерләү системасын үстерү проблемаларына җентекләп тукталды; шулай ук КФУ президенты Рияз Минзарипов; ТР Фәннәр академиясе президенты Рифкать Миңнеханов; Арча педагогика колледжы директоры Гөлнара Гарипова; Педагогик кадрларны һөнәри үстерү һәм социаль тәэмин итү департаменты директоры урынбасары Сергей Антонов; Яр Чаллы шәһәре Мәгариф бүлеге башлыгы Рөстәм Хуҗин чыгыш ясады.

Белгечләр әзерләүнең федераль пилот проекты турында Мәскәү дәүләт педагогика университетының һөнәри педагогик белем бирүне үстерү институты директоры Людмила Трубина сөйләде.

Коллегиядә конструктив сөйләшү булды, ул, һичшиксез, билгеләнгән проблеманы хәл итүгә дөрес карашларны билгеләргә мөмкинлек бирәчәк.