«Мәгариф. Зур үзгәрешләр» мультимедия күргәзмәсе ачылды

7 февральдә ТР Иҗтимагый палатасының Мәгариф, фән һәм агарту эшчәнлеге буенча комиссиясе рәисе Тамара Федорова «Мәгариф. Зур үзгәрешләр» мультимедия күргәзмәсен ачу тантанасында катнашты. Әлеге күргәзмә Россия мәгарифе тарихы турында ВДНХда Россия күргәзмә - форумының иң популяр һәм иң күп кеше йөргән экспозициясе.

Күргәзмә РФ Мәгариф министрлыгы кушуы буенча гуманитар проектлар фонды тарафыннан булдырылган. Тантананы Татарстан Республикасы Мәгариф һәм фән министры Илсур Һадиуллин ачып җибәрде, ул ВДНХ күргәзмәсен ярты миллионнан артык кеше каравын билгеләп үтте. Аның Бөтенроссия экспонатлау үзәкләре Россиянең 25 төбәгендәге тарихи парклар булачак.

Хөрмәтле кунаклар арасында Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты рәисе урынбасары Людмила Рыбакова, ТР Архивы рәисе урынбасары Гүзәл Ильдарханова, ТРда «Россия-минем тарихым» тарихи паркы директоры Татьяна Ильина бар иде.

Экспозиция безнең илдә Советлар Союзы чорыннан алып хәзерге Россиягә кадәр мәгариф системасының эволюциясен күрсәтә. Ул 19 тематик зонадан тора, аларда совет чорыннан башлап Ватан мәгариф системасы тарихы, «Авыр 90-нчы еллар» һәм «ХХІ гасыр чакырулары», «Киләчәк министрлыгы» эшчәнлеге ачыла, анда Россия Федерациясе Мәгариф Министрлыгының бүген нинди бурычлар өстендә эшләвен һәм 2030 елда нинди нәтиҗәләргә ирешергә планлаштыруын җентекләп аңларга мөмкин.