«Нечкәбил-2024» һәм «Иң мөһиме турында» республика конкурсларын ачу тантанасы
Гаилә елы кысаларында 3 февральдә Казан дәүләт мәдәният институтының концерт залында берьюлы түбәндәге ике республика конкурсы: «Нечкәбил-2024» һәм «Иң мөһиме турында» старт алды.
Конкурсларны ачу тантанасында РФ Федераль Җыенының VIII чакырылыш Дәүләт Думасы депутаты Татьяна Ларионова, ТР Министрлар Кабинетының ЗАГС Идарәсе башлыгы һәм Татарстанда «Ныклы гаилә» федераль партия проекты координаторы Гөлшат Нигъмәтуллина, алтынчы чакырылыш ТР Дәүләт Советы депутаты, Россия кооперация университеты ректоры, Казан кооператив институты ректоры Алсу Нәбиева, ТР Иҗтимагый палатасы әгъзасы, «Нечкәбил» республика конкурсы җитәкчесе Изольда Жуйкова һәм Казан дәүләт мәдәният институты ректоры Роза Әхмәдиева катнашты.
РФ Федераль Җыенының VIII чакырылыш Дәүләт Думасы депутаты Татьяна Ларионова конкурсның хәзер аеруча актуаль булуын билгеләп үтте. «Старт өчен Казан дәүләт мәдәният институтының студентлар һәм мәктәп укучылары - республикабызның булачак яшь гаиләләре җыелган мәйданчыгы сайлануы очраклы түгел», - дип ассызыклады Татьяна Ларионова.
«Нечкәбил» конкурсын аерым тәкъдим итү кирәкми, «Иң мөһиме турында» конкурсы турында «Нечкәбил» республика конкурсы җитәкчесе Изольда Жуйкова сөйләде. ТР Иҗтимагый палатасы әгъзасы буларак Изольда Павловна яшьләрнең социаль активлыгына аерым әһәмият бирә, гаилә волонтерлыгына зур игътибар бирә. Шуңа күрә «Иң мөһиме турында» конкурсы номинацияләренең берсе «Гаилә волонтерлыгы көне» булды.
