Максатларны гражданнар билгеләячәк
Бу проектта ТР Сәламәтлек саклау министрлыгы, ТР Мәдәният министрлыгы, ТР Мәгариф һәм фән министрлыгы, ТР Яшьләр эшләре министрлыгы, ТР Спорт министрлыгы һәм ТР Хезмәт, халыкны эш белән тәэмин итү һәм социаль яклау министрлыгы катнаша.
Киләсе елга хакимият органнарының өстенлекләре буенча беренчел тәкъдимнәр экспертлар тарафыннан төзеләчәк. Һәр министрлык өчен эксперт төркемнәре составы ТР Иҗтимагый палатасы Советы тарафыннан расланды. Экспертлар арасында һөнәри, академик берләшмәләр һәм иҗтимагый оешма вәкилләре, хакимият органнары профиле буенча зур эш тәҗрибәсе һәм казанышлары булган үз эшенең профессионаллары бар. Аларга эксперт сессияләре кысаларында ачык максатлар һәм бурычларның проект исемлеген җентекләп эшләргә туры киләчәк.
Экспертларның тәкъдимнәре иҗтимагый советлар тарафыннан каралачак һәм ачык онлайн-тавыш бирүгә чыгарылачак, ул бер ай дәвамында ТР Дәүләт хезмәтләре порталының «халыкны сораштыру» сервисында узачак. Республика халкы өстенлекле дип санаган максатлар һәм бурычлар өчен тавыш бирә алачак, шулай ук үз вариантларын тәкъдим итә алачак.
Халык тавыш бирүендә иң күп тавыш җыйган тәкъдимнәрдән иҗтимагый советларның йомгаклау утырышларында 2024 елга министрлыкларның эш өстенлекләре биштән җидегә кадәр билгеләнәчәк.
Фикер алышуда барлык кызыксынган гражданнар, массакүләм мәгълүмат чаралары, иҗтимагый һәм башка оешмалар катнаша алачак.
2024 ел дәвамында куелган максатларны һәм бурычларны гамәлгә ашыру турында хакимият органнарының даими рәвештә ачык хисабы каралган, ә ел тәмамланганнан соң нәтиҗәләрне ачык җәмәгать фикер алышулары каралган.