Чаллы лагеренда гаиләне алыштыручы гаиләләр өчен смена башланды
«Звездный» балалар лагеренда балалар-ата-аналар өчен икенче смена старт алды. Анда Татарстан Республикасынан гаиләләр катнаша.
Проект ТР Мәгариф һәм фән министрлыгы инициативасы буенча төзелгән, 300 бала үз ата-анасы белән ял итәчәк.
Бу тәрбиягә алган һәм үз балалары, мәктәпкәчә һәм мәктәп яшендәге балалар, сәламәт һәм үзенчәлекле балалар тәрбияләнә торган гаиләләргә тулы канлы ял оештыру мөмкинлеге.
Балалар-ата-аналар сменасы программасы балалар һәм ата-аналарның төрле пландагы уртак эшчәнлеген үз эченә ала. Бу спорт ярышлары, конкурс-күңел ачу, танып белү, интеллектуаль, сәламәтләндерү чаралары.
Лагерь сменасы кысаларында «Ата-ана каникуллары» ата-аналар компетенциясен арттыру программасы гамәлгә ашырылачак.
Балалар-ата-аналар сменасының максаты һәм бурычларын гамәлгә ашыру “Навстречу подвигам и приключениям” сюжет-рольләр уены формасында тормышка ашырыла. Сменада катнашучыларга пират утравына кызыклы һәм мавыктыргыч сәяхәткә китәчәкләр. Программаның төп идеясе - баланың һәм ата-ананың иҗади сәләтләрен ачу өчен мөмкинлекләр тудыру, спорт уеннарында, интеллектуаль һәм күңел ачу чараларында катнашу, семинарлар, консультацияләр һәм тренинг элементлары белән шөгыльләнү нәтиҗәсендә балаларның, яшүсмерләрнең һәм ата-аналарның мөмкинлекләрен гамәлгә ашыру өчен шартлар тудыру.
Сменаны оештыручы – Яр Чаллы шәһәренең ата-ана каравыннан мәхрүм калган балаларның гаилә коруына ярдәм итү, Чаллы шәһәренең алыштыручы гаиләләрне әзерләү һәм тәэмин итү үзәге.