«Иске» уеннар – яшьләргә
ТР Иҗтимагый палатасы әгъзасы Анастасия Исаева Казанның балигъ булмаган хокук бозучыларны вакытлыча тоту үзәге карамагындагылар өчен диңгез көрәше буенча команда чемпионаты уздырды.
«Россия юлбарыслары» һәм «Җанварлар» дип аталган ике команда үз корабларын яклыйладылар һәм билгеле булган «Диңгез көрәше» уен кырында дошман корабларын эзләделәр. Балалар үз стратегияләрен тиз уйлап таптылар һәм кыюлык белән максатларына таба бардылар.
Минималь аерма белән «Җанварлар» командасы һәм, әлбәттә, дуслык җиңде.
Уенның барлык катнашучылары да татлы призлар алды, ә катнашучыларның берсе аеруча бүләкләнде, чөнки аңа бу көнне 15 яшь тулды.
Мондый тематик чаралар үзәк карамагындагыларга дуслык мөнәсәбәтләрен дөрес төзергә, командада аралашырга, уртак көч белән бердәм максатка барырга ярдәм итә.
Анастасия Исаева билгеләп үткәнчә, әлеге учреждениедә чаралар үткәрү идеясе ТР Иҗтимагый палатасы диварларында хокукый мәсьәләләр һәм иҗтимагый контроль буенча комиссия эше кысаларында барлыкка килгән.
