Татарстан вәкилләре Мәскәүдә коммерцияле булмаган оешмалар Медиафорумында тәҗрибә уртаклаштылар

1 декабрьдә РФ Иҗтимагый палатасында коммерцияле булмаган оешмалар медиафорумы узды. Төп тема – «2023 елда медиа һәм коммерцияе булмаган оешмалар нәрсә көтә?».

РФ Дәүләт Думасының гражданлык җәмгыятен үстерү комитеты рәисе урынбасары Ольга Занко, Россия Журналистлар берлеге рәисе Владимир Соловьев, «Россия – мөмкинлекләр иле» коммерцияле булмаган автоном оешмасының «Сенеж» идарәсенең белем бирү эшчәнлеге буенча проректоры Мария Афонина, Президент грантлары Фонды генераль директоры киңәшчесе Владимир Татаринов үз фикерләре белән уртаклаштылар.

Татарстаннан спикерлар арасына диабетка каршы көрәш хәйрия фондына нигез салучы һәм социаль челтәрләр буенча панель дискуссия кысаларында чыгыш ясаган «Татарстан Республикасы шикәр диабеты белән авыручы кешеләр берләшмәсе» автоном коммерцияле булмаган оешмасы җитәкчесе Тимур Николаев керде. Быел Тимур тормыш иптәше Айгөл белән «Коммерцияле булмаган оешмалар медиамәктәбе: үсеш берләшмәсе» проекты кысаларында укулар узды.

Тере формат һәм нетворкинг чарага практик әһәмият һәм эшнең югары нәтиҗәлелеген бирде. Коммерцияле булмаган оешмалар вәкилләре белән федераль һәм төбәк медиаларына эләгү, «Одноклассники» һәм «ВКонтакте»да оешма төркемен яңартылган алгоритмнарны исәпкә алып, ничек нәтиҗәле алып бару, «Яндекс.Дзен» һәм Telegram мессенджерында авторлык каналын алга сөрү мәсьәләләре турында фикер алыштылар. Чыгыш ясаучылар хәйрия оешмалары һәм башка коммерцияле булмаган оешмалар җитәкчеләренә бүгенге гадәти булмаган вакытта беренче чиратта һөнәри һәм психологик компетентлыкны арттырырга киңәш итте.

Форум «Коммерцияле булмаган оешмалар медиамәктәбе: үсеш берләшмәсе» проекты кысаларында Президент грантлары фонды ярдәмендә узды.