Яшь шагыйрьләр өчен «ХАЛЫК ҺӘМ АРМИЯ БЕРДӘМ!» конкурсы

Кырым Республикасы Иҗтимагый палатасының «Үзебезнекеләрне ташламыйбыз» патриотик акциясе кысаларында 2022 елның 26 сентябреннән 4 ноябренә кадәр яшь шагыйрьләр өчен «ХАЛЫК ҺӘМ АРМИЯ БЕРДӘМ!» конкурсы старт алды.

Чара яшьләр арасында актив гражданлык позициясен тәрбияләү, әдәби иҗатны популярлаштыру, талантлы авторларны ачыклау, яшь талантлар иҗаты тематикасын заман проблемалары белән баету, яшьләрнең интеллектуаль үсеше, профессиональ һәм үзешчән авторларның иҗади аралашуы өчен шартлар тудыру максатында уздырыла. Конкурста катнашуга Кырым Республикасы территориясендә дә, аннан читтә дә яшәүче 12 яшьтән 35 яшькә кадәрге талантлы шагыйрьләр чакырыла.

Эшләрне бәяләүгә Россия театры һәм киносы актеры Михаил Мамаев, Россия журналисты, танылган хәрби корреспондент, «Таврида» директоры Александр Минаков, шагыйрь, музыкант һәм сценарист Фролов Крымский, шулай ук башка танылган шагыйрьләр, язучылар, җәмәгать эшлеклеләре җәлеп ителәчәк. Иң яхшы шигырьләр Кырым Республикасы Иҗтимагый палатасы сайтында (https://opcrimea.ru) бастырылачак, шулай ук «#Үзебезнекеләрне ташламыйбыз» яңа шигъри җыентыгына керәчәк. Коллектив шигырьләр җыентыгы илебезнең барлык битараф булмаган гражданнарына хәрби хезмәткәрләрнең батырлыгына үзенең илһамлы иҗади сүзе белән актив җавап бирергә чакыру нәтиҗәсе булачак, дип саныйбыз.

Шигырьләр электрон рәвештә konkurs-oprk@yandex.ru адресына, хатның темасына авторның тулы исемен күрсәтеп җибәрелә.

Элемтә өчен җаваплы зат: Безуглова Ольга Васильевна +7 978-000-02-72.