10 һәм 11 сентябрьдә «Игелекле эшләр көне» җылы әйберләр җыюны оештыра

Бу атнада шәһәрнең ике ноктасында «Игелекле эшләр көне» фонды җылы әйберләр җыю буенча күчмә акцияләр үткәрәчәк. Җыелган әйберләр фонд карамагындагы кешеләргә «Яхшы куллар» хәйрия склады» проекты кысаларында тапшырылачак.

«Ел саен складта 12 меңгә якын кеше кием, аяк киеме, көнкүреш техникасы һәм башка кирәкле әйберләр ала. Казанда өч кабул итү пункты эшли, өстәмә рәвештә фонд шәһәр халкы тагын да күбрәк белсен өчен әйберләр кабул итү буенча «күчмә» акцияләр үткәрә. Катнашучылар үз әйберләренә икенче тормыш бүләк итәләр һәм хәзер нинди дә булса сәбәп белән аларны сатып алырга мөмкин булмаганнарга булышалар. Ике көн эчендә без, гадәттә, ике тоннага якын әйбер - өске кием, оекбашлар, аяк киеме, балалар әйберләре, куртка, пальтолар җыябыз», - дип уртаклашты «Игелекле эшләр көне» фондына нигез салучы Рөстәм Хәсәнов.

Әйберләр җыю акциясе 10 һәм 11 сентябрьдә ике урында узачак:

• 10.00 - 19.00 сәгатьтә Парк Хаус парковкасында, Ямашев проспекты, 46/33.
• 12.00 - 21.00 сәгатьтә Volga Fashion Market, AK Барс Retro cars күргәзмә комплексы, Оренбург тракты, 5/4.

Җыела торган әйберләргә таләпләр: чиста һәм яхшы хәлдә булу, төсе, размеры һәм стиле мөһим түгел. Фонд карамагында булучыларның җылы әйберләргә, демисезон киемнәргә һәм аяк киемәренә ихтыяҗлары аеруча зур. Шулай ук, фонд 100 дән артык эт һәм мәче булган «Бездомыши» хайваннар приютына ярдәм итә. Шуңа күрә фонд киеп булмый торган киемнәрне дә кабул итә (эчке кием, колготкалар, күн алмаштыргычлар һәм тулысынча синтетик тукымалардан тыш).

«Яхшы куллар» әйберләрне кабул итү пунктлары Восстание урамы, 59 һәм Калинин урамы, 3 адреслары буенча эшли. Соңгы адрес буенча әйберләрне тапшыру да каралган – монда мохтаҗлар бушлай ярдәм алалар. Шулай ук узган елдан «Парк Хаус»та әйберләр җыю өчен «Яхшы куллар» складының махсус контейнеры урнаштырылган, ул көн саен сәүдә комплексының 1 катында 10-22 сәгатьтә эшли.

pr@dendd.ru т. 8 843 236-65-61

БЕЛЕШМӘ:

 «Игелекле эшләр көне» – 2009 елда волонтерлык төркеме тарафыннан оештырылган хәйрия фонды. Фондның төп проектлары арасында:

• «Яхшы куллар» хәйрия склады – Казанда беренче һәм Россиядә гражданнар һәм оешмаларның элеккеге милкен кабул итү, эшкәртү, саклау һәм бүлү буенча үзәкләштерелгән пунктларның берсе. Казан шәһәрендәге 3 склад ел саен 12 меңгә якын аз керемле, күп балалы, пенсионерлар һәм халыкның башка якланмаган катламнарын кием-салым, аяк киеме һәм көнкүреш әйберләре белән тәэмин итә.
• Чикләрсез театр – фонд һәм Казан яшь тамашачылар театрының уртак проекты, ул бер үк вакытта театрда сәламәт һәм инвалидлыкка ия тамашачылар өчен дә спектакльләрне уңайлы итеп карау мөмкинлеге бирә. «Чикләрсез театр» спектакльләрендә тамашачылар алдында тифлокомментатор колакчыклар аша сәхнәдә булган хәлләрне (декорацияләр, эмоцияләр һәм актерларның гамәлләре) тасвирлый, ә сурдотәрҗемәче спектакльне ишарәләр теле ярдәмендә «ишетергә» ярдәм итә. Проект кысаларында Яшь тамашачылар театры репертуарыннан 6 спектакль җайлаштырылган. 2021 елда Проектны тормышка ашырган өчен фонд «Серебряный Лучник» Х төбәк премиясе - Идел буе «Хәйрия һәм корпоратив социаль җаваплылык» номинациясендә җиңүче дип табылды.
• Һөнәр белән танышу – профориентация проекты, аның кысаларында фонд балалар өчен, шул исәптән күп балалы, аз тәэмин ителгән гаиләләрдәге, махсус учреждениеләрдәге балалар өчен төрле оешмаларга экскурсияләр оештыра. Максаты- имин булмаган гаиләләрдән һәм интернатлардан килгән балаларга социальләштерүдә ярдәм итү, уку йорты һәм һөнәрләр сайлаганда ориентир күрсәтү өчен  төрле һөнәрләрне эчке яктан күрсәтү. Экскурсияләр даими рәвештә уза. Соңгы елларда проектта катнашучылар Г.Камал исемендәге Татар дәүләт академия театры, Казан яшь тамашачылар театры, ТР Дәүләт Советы, «Казан» аэропорты, «Татарстан» Дәүләт телерадиотапшырулар компаниясендә, LEDEL, «КАМАЗ-Мастер», «Пятерочка», Акульчево, Икеа, «Казаноргсинтез» заводында, Туполев исемендәге Казан милли тикшеренү техник университеты, метрополитенда һ. б. булдылар.
• Социаль такси – мөмкинлекләре чикләнгән пассажирлар ташу буенча сервис. Махсус автомобиль пандус, беркеткечләр һәм инвалид коляскаларда йөрүче пассажирлар өчен кирәкле уңайлык тәэмин итә торган башка техник чаралар белән җиһазландырылган. Барлык ташулар да бушлай гамәлгә ашырыла, проект гражданнарның һәм оешмаларның хәйрия акчалары хисабына финанслана. Иң популяр маршрутлар-хастаханәләргә, поликлиникаларга, тернәкләндерү үзәкләренә.

www.dendd.ru, 8(843) 236-65-61