ТР Иҗтимагый палатасы әгъзасы Мөнир Гафиятуллин Иҗтимагый совет утырышында катнашты

7 сентябрьдә Иҗтимагый палата рәисе урынбасары Гафиятуллин Мөнир Татарстан Республикасы сәнәгать һәм сәүдә министрлыгы каршындагы Иҗтимагый советның чираттагы утырышында катнашты.

Иҗтимагый совет утырышында Татарстан Республикасы сәнәгать һәм сәүдә министры урынбасары Колчин Иван Петрович; «Татарстан Республикасы Энергия ресурсларының нәтиҗәле технологияләр үзәге» дәүләт автоном учреждениесе директоры Әхмәров Марат Равил улы катнашты. Көн тәртибенә түбәндәге мәсьәләләр куелган иде: Татарстан Республикасында машина төзелеше комплексын үстерү перспективалары; Татарстан Республикасында хезмәт җитештерүчәнлеге буенча илкүләм проектны гамәлгә ашыру.

2022 елның 7 ае нәтиҗәләре буенча машина төзелеше комплексы предприятиеләре тарафыннан 413,3 млрд сумлык товар продукциясе төяп җибәрелгән, бу төяп җибәрелгән товарларның, эшләрнең һәм хезмәт күрсәтүләрнең гомуми күләменең 15% тәшкил итә.

2022 елның гыйнвар - июль айларында 2021 елның шул ук чоры белән чагыштырганда товар продукциясен җитештерү күләмнәрен арттыру «Казанькомпрессормаш» акционерлык җәмгыяте, «БЭНЗ» ачык акционерлык җәмгыяте, «КМИЗ» акционерлык җәмгыяте, «Вакууммаш» акционерлык җәмгыяте, «ПО ЕлАЗ» акционерлык җәмгыяте, «Римера-Алнас» җаваплылыгы чикләнгән җәмгыяте, «Ремдизель» акционерлык җәмгыяте, «КАМАЗ тормоз системалары» җаваплылыгы чикләнгән җәмгыяте, «ТПК МТЗ-Татарстан» җаваплылыгы чикләнгән җәмгыяте, «ИПЦ» җаваплылыгы чикләнгән җәмгыяте һәм башка предприятиеләр.

Тармакның эш нәтиҗәләре, беренче чиратта, «КАМАЗ» иҗтимагый акционерлык җәмгыяте күрсәткечләре белән билгеләнә.

2022 елның гыйнвар-июль айларында предприятие 25 544 йөк автомобиле җитештергән. Россиянең авыр йөк автомобильләре базарында КАМАЗ өлеше 46 % тәшкил итә.

Мәскәүдә аеруча зур класслы КАМАЗ - 6292 электробусының тест-драйвы уңышлы дәвам итә, шулай ук июнь уртасыннан КАМАЗ-6282 электробусы Сочида тәҗрибә эксплуатациясендә.

КАМАЗ электробусы «Татарстан Республикасының иң яхшы товары» логотибы белән маркировкалану хокукына ия булды.

2022 елның апрелендә «Компас 9», «Компас 12» автомобильләрен гамәлгә ашыру башланды.

«КАМАЗ» фәнни-техник үзәге белгечләре Россия гадәттән тыш хәлләр министрлыгы белән берлектә К5 буын автомобильләре базасында һәлакәттән коткару автомобильләренең иң яңа ике үрнәген булдырдылар.

«КАМАЗ» дус булмаган илләрнең санкцияләр сәясәтен исәпкә алып, агымдагы елда К3 автомобильләрен җитештерүгә күчәргә мәҗбүр. Шул ук вакытта яңа модель рәтендәге КАМАЗ автомобильләренә Россия базарында ихтыяҗ бар. Бүген дә аларны чыгару һәм комплектлаучыларның склад запасын исәпкә алып төяп җибәрү дәвам итә. Хәзерге вакытта төп тырышлыклар чит ил комплектлау җиһазларын локализацияләүгә һәм Россиянең альтернатив тәэмин итүчеләре белән эшләүгә юнәлдерелгән.

«АУРУС» җаваплылыгы чикләнгән җәмгыяте стратегик үсеш планы нигезендә 2022 ел дәвамында AURUS Komendant автомобилен тәкъдим итәргә планлаштыра, шуннан соң югарыда күрсәтелгән модельдә серияле производство эшләтеп җибәреләчәк.

«ТПК МТЗ-Татарстан» җаваплылыгы чикләнгән җәмгыяте сервис зонасы булган «Беларус» Экспо-үзәген төзүне тәмамлады. Үзәкнең гомуми мәйданы 2,8 мең м2 артык, мәйданда белорус җитештерүчеләренең техникасы үрнәкләрен, «МТЗ» ачык акционерлык җәмгыятенең оригиналь запас частьләрен, ачык сервис зонасын урнаштыру планлаштырыла. Тантаналы ачылыш 2022 елның 29 апрелендә булды.

«ПО ЕлАЗ» акционерлык җәмгыяте карьера эшләнмәләре өчен үзйөрешле ленталы конвейерның 1200/50 үрнәген эшләгән һәм әзерләгән. Үрнәк оператив сынаулар уза.

«Казанькомпрессормаш» акционерлык җәмгыяте «ТАНЕКО» акционерлык җәмгыяте азот алу мәйданчыгында технологик кысылган һава җитештерү өчен компрессор җиһазлары Әзерләде.

«ПТФК» транспорт электр җиһазлары заводы» акционерлык җәмгыяте «Уральские-Локомотивы» җаваплылыгы чикләнгән җәмгыятенең электровозлар җитештерүен яңадан торгызу өчен ЭК-810Ч электр двигательләре җитештерүне арттырды, чөнки Харьковтан электр двигательләре белән тәэмин итү өзелде. Завод шулай ук Рига электромашина заводы электр двигательләре урынына электр поездлары өчен электр двигательләрен үзләштерә.

Катлаулы геосәяси вәзгыятькә, машина төзелеше комплексы предприятиеләренең чит ил җиһазлары һәм комплектлаучылары белән проблемалары булуга карамастан инвестицион проектларны гамәлгә ашыруны дәвам итә:

1. «Суыткыч һәм туңдыргыч җайланмалар җитештерү заводы» («Хайер Индастри РУС» җаваплылыгы чикләнгән җәмгыяте, Яр Чаллы шәһәре);

2. «Haier сәүдә маркасы барабан тибындагы кер юу машиналары җитештерүнең икенче чираты» («Хайер Индастри РУС» җаваплылыгы чикләнгән җәмгыяте, Яр Чаллы шәһәре);

3. «Төзелеп беткән административ-көнкүреш комплексы белән штампланган эшләнмәләр заводы» («Хайер Индастри РУС» җаваплылыгы чикләнгән җәмгыяте, Яр Чаллы шәһәре);

4. «Аккумулятор батарейкаларын эшкәртү юлы белән кургаш җитештерү заводын төзү» («Кориб Металл» җаваплылыгы чикләнгән җәмгыяте, Яр Чаллы шәһәре);

5.«AGM технологиясе буенча аккумулятор батареялары җитештерү»  («Алабуга аккумулятор заводы» җаваплылыгы чикләнгән җәмгыяте, Алабуга шәһәре);

6. «Импортны алыштыру кысаларында үзебезнең һәм чит ил авыл хуҗалыгы техникасының детальләрен, төеннәрен, эшләнмәләрен җитештерүне оештыру өчен җитештерү мәйданчыгын булдыру» («Сабатехмаш» җаваплылыгы чикләнгән җәмгыяте, Саба муниципаль районы);

7. «Химград» технопаркы территориясендә 9927 кв. метр мәйданлы нефть-газ тармагы өчен агым газ анализаторлары җитештерү буенча завод төзелеше («Инкомсистем» Фәнни-инженер үзәге ябык акционерлык җәмгыяте, Казан шәһәре);

8. «КАМАЗ» автомобильләренең модель рәтен үстерү һәм аны җитештерү өчен җитештерү куәтләрен модернизацияләү» («КАМАЗ», Яр Чаллы шәһәре);

9. «Транспорт чаралары белән идарә итү өчен циффрлы системалар компонентларын һәм интеллектуаль телематик чишелешләр җитештерүне оештыру» («МЕТТЭМ» автомобиль компонентлары» җаваплылыгы чикләнгән җәмгыяте, Чистай шәһәре).