V Республика социаль юнәлешле коммерцияле булмаган оешмалар форумы кысаларында территорияне төзекләндерү мәсьәләләрендә җәмгыять һәм дәүләтнең үзара хезмәттәшлеге турында фикер алышачаклар

11 августта 10: 00 сәгатьтә социаль юнәлешле коммерцияле булмаган оешмаларның V Республика форумы кысаларында Яр Чаллы шәһәрендә, Академик Рубаненко урамы, 2 йорт, 1 нче комплекс, 2 («Нур» яшьләр үзәге, 2 нче кат) адресы буенча «Территорияне төзекләндерү мәсьәләләрендә җәмгыять һәм дәүләт диалогы» (территориаль иҗтимагый үзидарә эшчәнлеге мисалында) темасы буенча унберенче секция утырышы узачак.

Көн тәртибенә түбәндәге мәсьәләләр куелган иде: территориаль иҗтимагый үзидарә эшчәнлеге, бизнес һәм хакимият хезмәттәшлеге, территориаль иҗтимагый үзидарәләрне үстерүгә ярдәм итү Ассоциациясенә грантлар гамәлгә ашыру, халыкны һәм төркемнәрне берләштерү һ. б.

Утырыш барышында сәламләү сүзе һәм докладлар белән чыгыш ясаячаклар::

1. ТР Иҗтимагый палатасы Рәисе урынбасары Тимур Кадыйров;
2. Чаллы шәһәре муниципаль берәмлеге Башкарма комитетының Автозавод районы администрациясе башлыгы Винер Харисов;
3. ТР икътисад министры урынбасары Юлай Миңнуллин;
4. Яр Чаллы шәһәре үзәк районының территориаль иҗтимагый үзидарәләр ассоциациясе рәисе Рафилә Нуриева;
5. Яр Чаллы шәһәре Комсомольский районының территориаль иҗтимагый үзидарәләр ассоциациясе рәисе Ольга Айдимирова;
6. Чаллы шәһәре Автозавод районының территориаль иҗтимагый үзидарәләр ассоциациясе рәисе Венера Наумкина;
7. «Татарстан Республикасы шәһәрләре үсеше институты» фондының стратегик проектлар белән идарә итү департаменты җитәкчесе Арина Петрова;
8. Башкарма сәркатип урынбасары – «Татарстан Республикасы Муниципаль берәмлекләре советы» ассоциациясенең юридик идарәсе башлыгы Сергей Столяров..

Мәйданчыкның модераторы - торак-коммуналь хуҗалык һәм төзекләндерү, территориаль иҗтимагый үзидарәне үстерү бүлеге башлыгы Алексей Тарабукин.